Rabiguet

Goyee ro ná índice xtuny contenidos

 LESIONY 12

¿Xí racno ór ni raityno?

¿Xí racno ór ni raityno?

Galgoity diti láacani vida. Nacní xomod toib bacaʼal nix (Juan 11:11-14). Gueʼet diti labúu rien, láaca diti labúu rabí, diti raniʼ né diti rony pensary (Eclesiastés 9:5, 10). Guirá religión falz rasuidy que gueʼet rie stoib lagary ro noʼ stipnés xhomilbu ni ma xidzú goity. Pero la Biblia diti rasuidy ngú.

Buñ ni ma goity diti labúu gacnébu né gonybu mal lóono. Ma diti ni galnach que buñ gony cualquier cós o sacrificio, que ronybu pensary que buñ ni ma goity rioladx láani. Pero Dios diti rioladx costumbre reʼ portín pór ni rascú buñdzab láani. Láaca diti labúu ronyni que buñ ni ma goity guibaladx, portín layibu ma diti nabanyibu. Diti non guidzuibyno né guienno buñ ni ma goity. Lóono nosi Jehová non guienno (Mateo 4:10).

Gueʼet sabiguet sabany stoib. Lo dzú ni siedra, Jehová salís gueʼet stoib para que guibanybu ló Gudxlio móz (Juan 5:28, 29; Hechos 24:15). Dios labúu salis buñ ni ma goity, xomodca lóono ór ni rabeno bacaʼal ló toib buñ ni natiasy (Marcos 5:22, 23, 41, 42).

El que gonyno pensary que diti raityno pór garascu láani, né Buñdzab rony que buñ guiluladx láani. Buñdzab né ángeles xtuny rony que buñ gony pensary que espíritu xtuny ni ma goity, ritné galguitz né galnagan. Buñdzab rascú buñ, né ronybu láani ló bacaʼal. Por ngú, Jehová diti rioladx ni rony por guininé buñ ni ma goity (Deuteronomio 18:10-12).