Rabiguet

Goyee menú ni rarop lagary

Goyee ro ná índice xtuny contenidos

Testigos xtuny Jehová

diitza

Labúu gacno ximig Dios

 LESIONY 3

Raquiin guimbuno Dios

Raquiin guimbuno Dios

Para que labúu gacno ximig Dios, raquiin guimbuno láabu. Guirá ximigno nan ximod laano né raquiimbu láani, pues Dios láaca scúca ná que guimbuno láabu, né guiquiinno laabu. Laa Dios ngú Jehová (Salmo 83:18; Mateo 6:9). Por ngú, raquiin ganno xí ni rioladxbu né ni diti rioladxbu, né chú guirá nac ximigbu né xí enemigbu. Pues nanuny par guimbuno toib buñ, la Biblia ná que cuéno didxo tiemp par guimbuno Jehová ngú más galán ni labúu gonyno (Efesios 5:15, 16).

Guirá ximig Dios ronybu ni láabu rioladxbu. Buny pensary en ximiglo. Si looy ronylo borla láabu né ronylo cós ni diti rioladxbu, ¿sacbu ximiglo más la? Yaca. Scúca, si nainy gacno ximig Dios, raquiin gonyno ni láabu rioladxbu (Juan 4:24).

Diti guirá religión racné par labúu gacno ximig Dios. Jesús, ni nac ximig Dios, goní de chop néz. Toib néz xilag ro xidal buñ sé. Nezreʼ rony que guinitlo buñ. Né stoibni nac néz nabé ro guxee si buñ sé. Né ndeʼ rony que labúu guibany buñ tipzó. Ndeʼ nayadit ná que si nainy gacno ximig Dios, raquiin ganno ximod labúu gonyno par guienno láabu (Mateo 7:13, 14).