Si nainy gacno ximig Dios, raquiin gonyno ni ná religión ni rasuidy ni ná Dios. Jesús goní «ni cayen ni ná Dios» siembu Dios mod ni láabu rasuidybu ni «xinésni» (Juan 4:23, 24). Nosi toib mod galán noʼ par labúu gony adorarno Dios (Efesios 4:4-6). Religión ni rasuidy xinésni, riné lóono ro labúu guibanyno tipzó, ne religión falz rony que guisnitno ni labúu guibanyno tipzó (Mateo 7:13, 14).

Labúu ganno xi religión rasuidy pór cós ni ná Jehová, né guibino guirá buñ ni cayony láani. Jehová toib Dios tzaay láabu, por ngú ni ná guieen láabu gac buñ tzaay. Ximodca toib yac ndrax raduidy pór ndrax tzaay, scúca religión ni rasuidy xinésni, pór buñ tzaay ronyni (Mateo 7:15-20).

Guirá ximig Jehová rony ni ná la Biblia. Nánbu que la Biblia sieedni de Dios. Por ngú, raduidybu lagary ndeʼ guiniʼ ximod guibanybu, gacné láabu lo galnagan né láaca par guimbu tzaaybu Dios (2 Timoteo 3:16). Por ngú, layibu ronybu ni rasuidybu a stipnés.

 Guirá ximig Jehová ronladxibu saʼyibu. Jesús bislooy que binladxbu a buñ ór ni láabu bisuidybo de Dios, né bisialbu buñ guitz. Guirá ni rony ni ná religión ni rasuidy xinésni, láaca ronladxbu a guirá buñ. Ximodca Jesús diti rabébu buñ pobre tiplad ni buñ de color o gudx. Jesús goní que guirá buñ sann chú ngú nac xpiimbu, por ni noʼ galronladx ladyibu (Juan 13:35).

Guirá ni nac ximig Dios ronyxirobu Laabu: Jehová. Si noʼ ni diti rioladx guiquin laano, ¿nigolú ñacbu ximigno la? Yaca. Ór ni noʼ toib ximigno, ranino laabu né ranino cós buen de láabu a stipnés. Por ngú, ni nainy gac ximig Dios non guinibo laa Jehová né gaybu láani a stipnés buñ. Jehová rioladxbu de que scú gonyno láani (Mateo 6:9; Romanos 10:13, 14).

Xomodca Jesús, guirá ximig Dios rasuidy a buñ ni ná Reino xtuny Dios. Reino xtuny Dios ngú Gobierno ni noʼ lainy guibá ni gony que Gudxlio reʼ gac toib Lagary móz. Ximig Dios rasuidy a stipnés buñ diitz copy de Gobierno xtuny Dios (Mateo 24:14).

Testigos xtuny Jehová ronybu por gacbu ximig Dios. Nadxíbu Biblia né ronladxibu saʼyibu. Láaca raquiimbu né ronyxirobu laa Dios, né láaca rasuidybu stipnés buñ de Gobierno xtuny Dios. Testigos xtuny Jehová, rony ni ná religión ni rasuidy xinésni lo Gudxlioreʼ.