Rabiguet

Goyee menú ni rarop lagary

Goyee ro ná índice xtuny contenidos

Testigos xtuny Jehová

diitza

Labúu gacno ximig Dios

 LESIONY 15

Ni nac ximig Dios rony pór cós tzaay

Ni nac ximig Dios rony pór cós tzaay

Ór ni noʼ toib ximigno ni radziguiaʼno, né ni rony respetarno, ronyno por gacno xomod láabu. «Jehová, toib Dios tzaay láabu, né láaca justo», ná la Biblia (Salmo 25:8). Para que labúu gacno ximig Dios raquiin gacno buñ tzaay. La Biblia ná: «Guisuuno Dios, xomod xiimbu ni ronladxbu, né colguisaa lo galronladx» (Efesios 5:1, 2). Ndeʼ nac chop tzón mod, ximod lóono labúu guisuuno Jehová:

Gacnéno stipnés. «Gonyno cós tzaay por guirá buñ.» (Gálatas 6:10.)

Lóono ronyno dxiin galán. «Ni rabann, ma diti cuann más, sino que gonybu dxiin nadip, que gonybu dxiin nadip né galán né ñabu.» (Efesios 4:28.)

Gacno buñ nayaa físico né moral. «Gac nayano de guirá cós mal de la carne né del espíritu, né gonyno por gacno nayaa xomod Dios.» (2 Corintios 7:1.)

 Gonladxno xhomilno né respet. «Que cada toibto [...] goonladx tzeʼel xomodca ronladxto lóocato; né lóoto, buñgonaʼ raquiin gapto xiroʼ respet tzeelto. Bimbiox, colguisob bixiosto.» (Efesios 5:33–6:1.)

Gonladxno stipnés. «Gonladxno a guirá buñ, portín amor sieedni de Dios.» (1 Juan 4:7.)

Guisobno ni ná gobierno. «Guirá buñ guisob ni ná [buñchiin] [...]. Colquiix a guirá ni nasaibyto: ni ranab impuesto, impuesto.» (Romanos 13:1, 7.)