Rabiguet

Goyee menú ni rarop lagary

Goyee ro ná índice xtuny contenidos

Testigos xtuny Jehová

diitza

Labúu gacno ximig Dios

 LESIONY 1

Dios cayaby lóono gacno ximigbu

Dios cayaby lóono gacno ximigbu

Dios rioladx gacno ximigbu. ¿Nanlo que labúu gaclo ximig ni bisaʼ guirá cós ni rabino la? Abrahán, ni bibany ma xidzú íz, góc laabu, ximig Dios (Santiago 2:23). La Biblia raniʼ de stipnés buñguieeu né buñgonaʼ ni láaca góc ximig Dios né cuábu xiroʼ galnasác xtuny Jehová. Lo naareʼ, xidal buñ de guidopy nac lo gudxlio ma nac ximig Dios. Looy láaca labúu gaclo ximigbu.

El que gacno ximig Dios más galán láani, que gacno ximig buñ gudxlio. Dios diti riambu mal né guirá ximigbu ni rony ni nábu (Salmo 18:25). El que gacno ximig Dios más galán láani que gapnó xiroʼ bidxiich. Ór ni guirá buñ ric cú raity, stipnés buñ rian né xpidxiichbu. Per guirá ni nac ximig Dios napbu toib cós ni rasac ni yadi chú labúu gax lainy láabu (Mateo 6:19).

Sigory láaca noʼ ni diti rioladx que looy ganlo más ni Dios rasuidy. Pentzi ni raby lainy looy ngú ximiglo, o xhomilo (Mateo 10:36, 37). Si noʼ ni raxiich looy o ratzuiby looy, gonabdiitz looyca: «¿A chú nainy naʼ gony que guibaladx, buñgudxlio o Dios la?». Buny xpensarylo en ndeʼ: si ñoʼ ni niapy looy que diti gualo, ¿ñonylo láani la? Yaca. Para que guibanyno raquiin guaano. Pues Dios, labúu gony que guibanylo né ma diti saitylo. Por ngú, bisuidy ximod labúu gaclo ximig Dios, né diti guiduidyloʼ lagary que stipnés guicaa looy (Juan 17:3).