Rabiguet

Goyee menú ni rarop lagary

Goyee ro ná índice xtuny contenidos

Testigos xtuny Jehová

diitza

Labúu gacno ximig Dios

 LESIONY 2

Dios toib buen amig, ni labúu gapnó

Dios toib buen amig, ni labúu gapnó

Que gacno ximig Dios, ngú ni más galán ni labúu guisacloʼ. Dios gacné looy, ximod labúu tzoʼlo content né goxt; né láaca labúu cuébu looy lo guirá cós ni buñ raluladx, né ni rony mal lóono. Sacadiagbu looy ór ni guininélo láabu. Sonyni que guisacloʼ sacró né tzoʼlo goxt (Salmo 71:5; 73:28). Dios gacné looy ór tuidylo lo galnagan (Salmo 18:18). Né láabu cayapybu looy que labúu guibanylo lo gudxlio sin gaitylo (Romanos 6:23).

Ór rac ximigno Dios, láaca ronyno que ximigbu gac ximigno. Ximig Dios láaca labúu sadxin gac ximiglo. Né nigolú, sacbu par looy xermanlo. Sabaladxbu que guisuidybu looy de Dios, né gacnébu looy ximod gonylo láani.

Diti nacno suusi Dios. Al gonyno que Dios gac ximigno, raquiin guienno ndeʼ: el que gacno ximig Dios diti ngúca láani gac ximigno toib buñ. Láabu napbu más íz que lóono, né nambu más, né napbu xiroʼ poder. Nosi láabu ngú non gony mandary lóono. Por ngú, si nainy gacno ximigbu, raquiin guicadiagno láabu né gonyno ni nábu. El que guisobno ni ná Dios láani ngú bien par lóono (Isaías 48:18).