Accesibilidad ajuste

Biloyña diitz ni cayopylo

Goyee menú ni rarop lagary

Goyee ro ná índice xtuny contenidos

Rabiguet

Testigos xtuny Jehová

diitza

¿Xí ni merpa rasuidy la Biblia?

 APÉNDICE

¿Xí láani ngú Seol né Hades?

¿Xí láani ngú Seol né Hades?

LÓ DIITZ ni cuá la Biblia nírcu, loni sieed más de setenta buelt diitz hebreos scheʼóhl né láaca diitz griego háides, guiropcani radzakni né galgoity. Ló tipnés Biblias rac traducirni xomod «baʼ» «infierno», «garió». Per ló xidal diitz ni raniʼ buñ diti noʼ diitz ni raslooy merpa mod nac diitz hebreo né griego. Por ngú, Traducción del Nuevo Mundo raquiin chop diitz «Seol» né «Hades» ló nota. Per ¿ximodpa rarexa guiropca diitzreʼ? Guibiʼno ximod raquiin xidal textos láani.

Eclesiastés 9:10 rabexa: «Diti sioʼ guiclo gonylo xitcal diti sonylo pensary diti sioʼ galnann lainy Baʼ [«Seol», ló nota] lagary ro tzeelo». ¿Raduidy ndeʼ diitz que Seol nacní lagary lainy baʼ ro racachno xfamilno la? Yaca, órni la Biblia raniʼ de baʼ ro ragach buñ por tigaa, diti raquiinni diitz scheʼóhl ni diitz háides, sino raquiinni stipnés diitz hebreo né griego (Génesis 23:7-9; Mateo 28:1). «Seol» láaca diti nacní toib lagary ro ragach xidal buñ, o xomod toib baʼ ro pórsi family ragach (Génesis 49:30, 31).

Órni Xtiitz Dios raniʼ de «Seol» né «Hades», ¿xí raduidyni diitz? Raduidyni diitz a toib lagary más xiroʼ que toib baʼ ni rimbuno. Isaías 5:14 raloyña que Baʼ o Seol, «ma góc xilagni né ma godudy midid bixalni roʼni». Labúu guinino que Seol ma godaibyni xidalguixo buñ ni ma goity, né nárani caibyni más (Proverbios 30:15, 16). Diti nacni xomod toib garió ro ragach gueʼet ro labúu guidza de gueʼet, Baʼ dipa radzani (Proverbios 27:20). Scú, Seol o Hades, dipa radzani, né diti radxin midid radopyni. Diti nacní toib baʼ ni labúu guidzelno toib lagary. Láani nacní toib lagary ro riée buñ órni raity, o toib lagary simbólico ro xidalguixo buñgudxlio natiasy ló galgoity.

 Órni rienno xí rasuidy la Biblia de buñ ni guiás, rientzaayno xí ngú Seol o Hades. Xtiitz Dios raniʼ que buñ ni riée lainy Seol né Hades labúu guibany stoib (Job 14:13; Hechos 2:31; Revelación 20:13). * Láaca raslooyni que lagarycu noʼ buñ ni bisob Jehová né láaca buñ ni diti bisob láabu (Génesis 37:35; Salmo 55:15). Por ngú la Biblia raiby lóono que «siás gueʼet ni buny xinésni né ni diti buny xinésni» (Hechos 24:15).

^ Párrafo. 1 Per la Biblia raloyña que buñ ni diti guibany stoib diti noyibu lainy Seol o Hades, sino lainy toib lagary ni laa «Gehena», ni láaca nac toib lagary simbólico (Mateo 5:30; 10:28; 23:33).