Rabiguet

Goyee menú ni rarop lagary

Goyee ro ná índice xtuny contenidos

Testigos xtuny Jehová

diitza

¿Xí ni merpa rasuidy la Biblia?

 APÉNDICE

¿Non gonyno lanii la?

¿Non gonyno lanii la?

LÓ LA Biblia diti golainy lanii pagan ni rony buñ ló xidal lagary. Per ¿pu lagary golainy guiráni? Pal tzélo toib biblioteca sabiʼlo xidal libros ni raniʼ de guirá lanii ni rony buñ ro rabéslo. Guibiʼno tipnésni.

Nabaʼan. Ná ralooypani lanii reʼ rac por xcalgoity Jesús né órni biásbu lad gueʼet, napni xidal costumbres ni rony buñ pagan, xomod peregrinación. Mod ná, Las Grandes  Religiones Ilustradas, buñ de Babilonia ni goyoʼ antes de Cristo, «colxigonyibu xtioxhyibu [...]. Dioxh ni gopyibu nigolú rastzayibu cós ni rasac laidyni, xomod lairy ni rasac, xidal caden, pulser, né guipnil; né xtioxhyibu rasaladx ló loʼon ni rasacgoluʼ né rabeʼyibu ndeʼ ló peregrinación. Láaca ló stipnés gudxrop rimbu buñ «conejo de Pascua». Enciclopedia Católica noʼ de acuerdo que ndeʼ «nac toib símbolo pagan né guirási ór rony representarni fertilidad».

Íz Copy. Lanii reʼ 1 de enero mod rony buñ Íz Copy ló xidal gudxrop radzani. Guibiʼno ximod golainyni: «Ni buny mandary Roma ni góc laa Julio César goniʼ que 1 de enero gac lanii Íz Copy ló íz 46 antes de xtzúno. Buñ gudx Roma buny lanii reʼ par toib dioxh ni góc laa Jano, dioxh puert né ro rasaló. Beʼo enero [ló diitz latín, Januarius] cuá laa Jano, ni gop chop lóo: toib bibiʼ delant né stoib bibiʼ nixiitz» (The World Book Encyclopedia). Scú, lanii Íz Copy golainy ló costumbre pagan.

Noche de Brujas (Halloween). «Costumbres de lanii Noche de Brujas golainyni ló xilanii druidas [sacerdotes celtas ni goyoʼ nírcu] antes de tzó Cristo. Celtas bunyibu lanii par guisetnaladxyibu chop dioxh: dioxh Govitz né dioxh gueʼet [...]. Xilanii dioxh gueʼet gocni 1 de noviembre, dzú gosaló Íz Copy celta. Xilanii gueʼet goyoʼni dxoga dxoga lad ritos cristianos.» (The Encyclopedia Americana.)

Stipnés lanii. Diti labúu guinino de guirá lanii ni rac ló guidopynac Gudxlio. Guientzaayno, Jehová diti racacuent lanii ni ronyxiroʼ a buñ o toib grupo (Jeremías 17:5-7; Hechos 10:25, 26). Láaca bisednaladx que noʼ stoib mod par ganno pal toib lanii ni rony toib religión racacuent Dios láani o yaca, non guibiʼno pu lagary ralainyni (Isaías 52:11; Revelación 18:4). Guirá litz ni bienno ló capítulo 16 ló libro reʼ sacnéni lóono ganno ximod rabiʼ Dios pal cayonyno lanii ni rony buñ ni diti noʼ ló religión.