Accesibilidad ajuste

Biloyña diitz ni cayopylo

Goyee menú ni rarop lagary

Goyee ro ná índice xtuny contenidos

Rabiguet

Testigos xtuny Jehová

diitza

¿Xí ni merpa rasuidy la Biblia?

 APÉNDICE

¿Gool Jesús ló beʼo diciembre la?

¿Gool Jesús ló beʼo diciembre la?

LA Biblia diti raset pu dzupa gool Jesús. Per raduidyni razón par guiluladxno que diti golbu ló beʼo diciembre.

Gudx Belén ro gool Jesús, ¿ximod nac tiemp beʼo diciembre? Calendary judío napni toib beʼo ni laa kislev, ranásni tidxo beʼo noviembre né diciembre dzú rac nachich né racgoluʼ guié. Né sieed stoib beʼo ni laa tebet, ndeʼ ranás tidxo beʼo diciembre né enero, ló beʼo cú nigolú rac más nachich né lagary ro más nasoʼ riab yel. Guibiʼno ximod ná la Biblia mod nac tiemp de lagarycu.

Esdras ni bicaʼ la Biblia, raslooy que kislev gocni toib beʼo nachich né gocgoluʼ guié. Náni que ló «gaʼ beʼo, [kislev] ló dzú 20 de beʼo» bidop lainy gudx Jerusalén xidalguixo buñ, né buñreʼ «cayacnalyibu xtol ni cayacgoluʼ guié». Láaca Esdras bicaʼ que xidalguixo buñ ni bidop goniʼ ximod nac tiemp ló beʼo ni nap íz cú: «Noʼno ló timguié. Diti labúu raguaʼ buñ fuer» (Esdras 10:9, 13; Jeremías 36:22). Por ngú, órni ma cabigax beʼo diciembre,  guirá buñ ni gop xiil lagarycu, bitopyibu guirá xilieen xtunyibu par diti nadudyibu gueʼel laidy dainy.

Per la Biblia rasetlaa que gueʼel dzú gool Jesús, dxee buñ cayan xiil laidy dainy. Scú láani, Lucas ni bicaʼ Evangelios rasetlaa que gahxca gudx Belén, buñ ni «rabés xilat laidy dainy né cayap xiil guidopy gueʼel» (Lucas 2:8-12). Guiduidyno cuent que diti nosi gosaayibu laidy dainy ro dzú, láaca golésyibu lagarycu. Biguaʼyibu laidy dainy gueʼel né xiil xtunyibu. Pal beʼo diciembre nigolú góc nachich né gocgoluʼ guié gudx Belén, ¿labúu guiluladxno que guirá buñguieeu ni gop xiil biguaʼyibu laidy dainy beʼo diciembre la? Yaca, diti scú láani. Por guirá cós ni ma bisuidyno raduidyni diitz que Jesús diti golbu beʼo diciembre. *

Xtiitz Dios raniʼ xí dzú merpa goity Jesús, per diti raniʼni xí dzú merpa golbu. Ndeʼ rasetnaladx lóono xtiitz Salomón: «Toib galán laa más galán láani que aceity tzaay, né dzú ni raity buñ más galán láani que dzú ni rál buñ» (Eclesiastés 7:1). Por ndeʼ rientzaayno xigony la Biblia nigolú raniʼ ximod gosaa Cristo buny xchiin Jehová né de xcalgoitybu, per diti raniʼni más de dzú golbu.

Órni gool Jesús goyoʼ buñ ni cayap xiil laidy dainy gueʼel cú

^ Párrafo. 1 Pal nainy looy gannlo más, biyopy páginas 111 a 114 ló libro ni laa, Razonamiento a partir de las Escrituras, ni rabeʼ testigos xtuny Jehová.

PAR GANNLO MÁS

¿Xigony testigos xtuny Jehová diti rony Laninin?

Xidal buñ rony Laninin né diti nanyibu pu golainy crenys reʼ. Bíil xigony testigos xtuny Jehová diti rony lanii reʼ.