Accesibilidad ajuste

Biloyña diitz ni cayopylo

Goyee menú ni rarop lagary

Goyee ro ná índice xtuny contenidos

Rabiguet

Testigos xtuny Jehová

diitza

¿Xí ni merpa rasuidy la Biblia?

 APÉNDICE

¿Chú láabu ngú arcángel Miguel?

¿Chú láabu ngú arcángel Miguel?

LÓ LA Biblia nosi chop tzónsi textos casetlaa de Miguel ni nac toib ángel. Per ló guirá textos reʼ rasetlani que noʼ ni cayonybu. Ló libro ni bicaʼ Daniel cadíilbu né ángeles ni nac mal; ló guiich ni bicaʼ Judas, cadíldiitzbu né Buñdzab, né ló libro de Revelación, cacalóbu Buñdzab né xidemony. Scú láani, guirá ór Miguel noʼbu xilad xcalmandary Jehová né cacalóbu xi enemig Dios. Modreʼ ronybu mod rarexa laabu, «¿Chú Nac Xomod Dios?» Per ¿chú láabu ngú Miguel?

Rioʼ ór rimbuno buñ ni noʼ xidal laa. Xomod Jacob, ni gosanir lainy toib family xiroʼ, láaca bimbu buñ láabu xomod Israel né Pedro láaca bimbu buñ láabu xomod Simón (Génesis 49:1, 2; Mateo 10:2). Né scúca, la Biblia raslooy que Miguel nac stoib laa Jesucristo antes de ñetjbu ló Gudxlio né después ni bibiguetbu guibá. Guibiʼno xigony ná la Biblia que Jesucristo láacabu ngú Miguel.

Arcángel. Xtiitz Dios raslooy Miguel xomod «arcángel» (Judas 9). Diitzreʼ rarexa «ángel principal». Bienno que Miguel nacbu arcángel, ni raduidy diitz que nosi noʼ toib arcángel lad guirá ángeles ni noʼ. Scú láani, la Biblia dipa raquiin diitz arcángeles, nosi raquiinni diitz «arcángel» guirá ór. Jesús láaca ritlaabu cayonybu dxiin ni rony toib arcángel. Scá rienno láani ló 1 Tesalonicenses 4:16, ni rasetlaa ni gony Jesucristo ni biás lad gueʼet: «Señor láacabu sietjbu guibá né toib rudx xomod ni rony mandary, né xirudx arcángel».  Texto reʼ raniʼ que Jesús saniʼ fuers xomod toib arcángel. Scú, ndeʼ raduidy diitz que Jesús láacabu ngú arcángel Miguel.

Comandante. La Biblia raslooy que «Miguel né guirá ángeles xtuny godíilyibu né dragón [...] né guirá ángeles xtuny» (Revelación 12:7). Riendxichni que Miguel nac Comandante de xidalguixo ángeles ni rony ni ná Jehová. Revelación láaca raniʼ que Jesús nac xomod toib Comandante de xidalguixo ángeles ni rony ni ná Jehová (Revelación 19:14-16). Pablo rasetlaa «Señor Jesús» né «ángeles xtuny ni nap galnadip» (2 Tesalonicenses 1:7). Scú láani, la Biblia raniʼ de Miguel né «ángeles xtuny» né Jesús né «ángeles xtuny» (Mateo 13:41; 16:27; 24:31; 1 Pedro 3:22). Xtiitz Dios diti rasetlaa que noʼ chop grupos de ángeles ni rony ni ná Dios, que toibni casanir Miguel lóo né stoibni casanir Jesucristo lóo. Por ngú, rientzaayno que Miguel láacabu ngú Jesucristo ni cayony dxiin guibá. *

^ Párrafo. 1 Sadzelo más prueby que laa Miguel raduidyni diitz Xiin Dios ló volumen 2, páginas 386 né 387, ló enciclopedia ni laa, Perspicacia para comprender las Escrituras, ni rabeʼ testigos xtuny Jehová.