Rabiguet

Goyee menú ni rarop lagary

Goyee ro ná índice xtuny contenidos

Testigos xtuny Jehová

diitza

Xfamilylo labúu guiguaʼ goxt

 MIDID 7

¿Ximod guisuidylo xiinlo?

¿Ximod guisuidylo xiinlo?

«Diitzreʼ ni cayóni mandary looy non tzoʼni lainy xcalnabanylo; né non guisuidylo láani guirá xiinlo.» (Deuteronomio 6:6, 7)

Órni Jehová bisaʼ family, bisiambu ladxña buñguieeu o buñgonaʼ gan xiin (Colosenses 3:20). Looy ni ma noʼ xiinlo ma cuacuentlo dxiin reʼ par guisuidylo ximbioxlo gandxiʼyibu Jehová né gacyibu buñ ni labúu gan xfamily (2 Timoteo 1:5; 3:15). Láaca guibiʼlo xi ni noʼ lainy xcalnabany xiinlo. Né guirá cós ni ronylo nigolú rasac par layibu. Par guisuidylo galán xiinlo ni ná Xtiitz Dios primer non coʼlo láani lainy xcalnabanylo (Salmo 40:8).

 1 GOCNÉ XIINLO PAR GOOYBU DIITZ NÉ LOOY

NI NÁ LA BIBLIA: «Guirá buñ non tzoʼ puext guicadiag diti ni maca guiniʼ» (Santiago 1:19). Sigory raniiny looy que xiinlo guiniʼ xi ni rasac né diti guiatzladxbu órni guininéyibu looy. Par gonybu ndeʼ non guislooylo que noʼlo puext guirá ór gooylo diitz né láabu. Buny que tzoʼbu goxt par guiniʼbu xi ni rasacbu (Santiago 3:18). Pal raduidyibu cuent que moda nachóng rac xtiitzlo sigory ndeʼ sony que diti guisetyibu xí rasacyibu. Gop paseinys né góoch layibu guirá ór que nadxiʼlo layibu (Mateo 3:17; 1 Corintios 8:1).

NI LABÚU GONYLO:

  • Bicadiag xiinlo órni nainy layibu guiniʼyibu

  • Biiy diitz guirá ór né xiinlo, diti nosi órni noʼ galnagan

2 BUNY POR GUIENLO NI NOʼ LÓ XPENSARYIBU

NI NÁ LA BIBLIA: «Ni raslooy que naní xpensary ló toib cós sarebuʼ ni gonybu» (Proverbios 16:20). Rioʼ ór non guiduidylo cuent xi ni rasac ximbioxlo. Mbioxhlas cuenunysi raniʼ o ronyxiroʼyibu ni ronyibu pensary. «Órni toib racapy toib cós antes de guicadiagbu xi ni góc, nacbu buñ ngaʼal.» (Proverbios 18:13.) Por ngú, diti guidzuitzlo ni maca (Proverbios 19:11).

NI LABÚU GONYLO:

  • Buny rutirigaʼlni looy par diti guiniʼlo órni xiinlo caniʼ, né diti gonynadxlo de nitisi cós ni gaibybu looy

  • Buny por guisetnaladxlo ximod gosaclo órni góclo mbioxhlas né xi cós nigolú gosac par looy órni goplo xisbu

 3 TOIBSI PENSARY COLGAP

NI NÁ LA BIBLIA: «Bicadiag, xiingaʼna, corrección xtuny bixioslo, né diti guisianlo ni ná xinaʼlo» (Proverbios 1:8). Jehová ma biduidy galmandary buñ ni ma noʼ xiin, guiropcayibu non guisuidyibu ximbioxyibu par gapyibu respet né gacyibu mbiox ni rasob (Efesios 6:1-3). Mbiox raduidy cuent órni bixiosbu né xinaʼbu diti toibsi mod nac xpensary (1 Corintios 1:10). Por ngú, pal diti ronyto pensary toibsi mod diti guinidalto nisló ximbioxto, portín ndeʼ labúu gony que ximbioxto diti sap respet lóoto.

NI LABÚU GONYLO:

  • Coltzoʼ de acuerdo ximod gony corregirto xiinnto

  • Pal diti toibsi mod ronylo pensary né tzeʼel lo ximod guisuidyto xiinnto, buny por guienlo ximod rony tzeʼel lo pensary

 4 MOD NI GUISUIDYLO XIINLO

NI NÁ LA BIBLIA: «Bisniʼs mbioxhlas ló néz par saabu loni» (Proverbios 22:6). Pal nainy looy que xiinlo tzeeni layibu galán, diti guiduidylo lagary gonyibu nitisi náni layibu. Raquiin guiyopylo toib mod par guisuidylo xiinlo, ro gony corregirlo láabu (Salmo 127:4; Proverbios 29:17). Ni gony corregirlo xiinlo diti nosi raduidyni diitz quiinlo láabu, raduidyni diitz gacnélo láabu guiembu xigony non guisobbu ni rony mandarylo (Proverbios 28:7). Láaca bisuidy layibu gandxiʼyibu Xtiitz Dios né gonyibu pensary ximod racné guirá litz reʼ layibu (Salmo 1:2). Modreʼ xcalrrienyibu sac natzaay (Hebreos 5:14).

NI LABÚU GONYLO:

  • Buny xtem par que xiinlo guibiʼ Dios xomod toib buñ ni labúu gapyibu confianz lóo

  • Gocné layibu guiduidyibu cuent xí riesga noʼ ni gony que tzaguiabyibu ló cós yox xomod cós ni noʼ ló Internet o stipnés lagary ro buñ rayopy ximig ló Internet. Bisuidy layibu par diti guiduidyibu lagary guixin buñ layibu

«Bisniʼs mbioxhlas ló néz par saabu loni»

PAR GANNLO MÁS

GALRRACNÉ PAR FAMILY

Tarié ni gony mbiox

Tipnés tarié ro mbiox labúu guisuidy tipnés litz ni sieed ló la Biblia.