Accesibilidad ajuste

Biloyña diitz ni cayopylo

Goyee menú ni rarop lagary

Goyee ro ná índice xtuny contenidos

Rabiguet

Testigos xtuny Jehová

diitza

Xfamilylo labúu guiguaʼ goxt

 MIDID 6

¿Ximod toib badaʼ ratzaʼ galtzeʼel?

¿Ximod toib badaʼ ratzaʼ galtzeʼel?

«Mbiox nac toib galrrascad ni raduidy Jehová.» (Salmo 127:3)

Órni toib galtzeʼel rioʼ primer xiin nigolú rabaladxyibu per láaca rioʼyibu ló galrrasaʼ. Sigory sadziguiaʼlo balaati xiroʼ tiemp né fuers saquiinlo par ganlo xiinlo. Por ni diti labúu raisylo sacró, sonyni que labúu tzoʼlo mal né ndeʼ labúu coʼ galrradíil lainy xcaltzeelo. Por ngú, guiropcato noʼ ni non gonyto par ganto xiinnto né scá labúu cuesnéto saʼto sacró. ¿Ximod labúu gacné xilitz la Biblia looy par labúu guicalólo galnagan reʼ?

 1 TOIB BADAʼ RATZAʼ MOD RABANYTO

NI NÁ LA BIBLIA: «Galnadxiʼ nacni paseinys né natzayni [...], diti rioʼni galrrasaʼ por láasini, diti radzuitzni ni maca» (1 Corintios 13:4, 5). Ni pénsa goyoʼ xiinlo diguny xigonylo né xpadaʼlo. Per ndeʼ labúu gony que tzeʼel lo guisac mal portín ma diti ragobiolo láabu, per bisetnaladx que láaca raquiin tzoʼlo galrrasaʼ por tzeʼel lo. Gop paseinys né góc buñtzay, scá guislooylo que raquiinlo xcalrracnébu né rasac par looy ni cayanbu badaʼ.

«Lóoto buñguieeu, láaca scúca colcuésne tzeelto, mod ná galnann ni naptó.» (1 Pedro 3:7.) Pal looy naclo buñguieeu ni pénsa goyoʼ xiin raquiin guienlo que nigoreʼ tzeʼel lo sadudy más tiemp né badaʼ. Tzeʼel lo sap más dxiin né sioʼbu ló galrrasaʼ, sadzagbu o rioʼ ór hasta sareʼganbu. Rioʼ ór labúu saxacladxbu né looy, per gop paseinys portín «buñ ni diti ni maca radzuitz más galán nacbu que toib buñ ni nap xiroʼ galnadip» (Proverbios 16:32). Bieen xí caquiin tzeʼel lo né gocné láabu (Proverbios 14:29).

NI LABÚU GONYLO:

  • Par buñguieeu: Gocné tzeʼel lo par ganto badaʼ, rodzu né gueʼel. Godudy más tiemp né tzeʼel lo né xiinlo, xalagary gonylo stipnés cós

  • Par buñgonaʼ: Órni tzeʼel lo ná gacné looy né badaʼ, gosaguel. Pal diti ronybu láani galán diti tíil lo láabu, bislooy láabu ximod gonybu láani

 2 COLGUININÉ SAʼTO

NI NÁ LA BIBLIA: «Sadxin sacyibu toibsi beʼel» (Génesis 2:24). Ná ma noʼ toib badaʼ, diti guialadxlo que looy né tzeʼel lo nacto «toibsi beʼel». Colgony por guidzakto saʼto más par gac nadip xcaltzeelto.

Buñgonaʼ, biduidy guixquix tzeʼel lo por ni racnébu looy né ni cayanbu lóoto. Diitz ni raniʼlo, labúu guisialni (Proverbios 12:18). Buñguieeu, góoch tzeʼel lo balaati nadxiʼlo láabu né balaati rasac par looy guirá ni ronybu por xfamilylo (Proverbios 31:10, 28).

«Ni toib buñ guiyopy ni gacné láasibu, xalagary ngú guiyopybu ni racné a stoib buñ.» (1 Corintios 10:24.) Buny cós ni más rasac par tzeʼel lo, né góoch láabu balaati rasac ni ronybu. Goleʼ tiemp par gooyto diitz né colguicadiag saʼto. Né órni gatnélo tzeʼel lo diti nosi tzoʼlo galrrasaʼ por looy. Bibiʼ xí ni raquiin tzeʼel lo. La Biblia rony mandary ndeʼ: «Diti guisian gatnéto tzeʼelto, labúu gonylo láani pal guiropcato noʼto de acuerdo por tiemp ni ma biliñato» (1 Corintios 7:3-5). Biiy diitz né tzeʼel lo diti guiatzladxlo. Xpaseinyslo né ni guienlo xí ni rasac tzeʼel lo ndeʼ sacné par guiguaʼto sacró.

NI LABÚU GONYLO:

  • Diti guialadxlo gooylo diitz nosi né tzeʼel lo

  • Bislooy que nadxiʼlo tzeʼel lo né biscad xis cosien láabu o bicaʼ ló tiplaʼ guiichen que ronladxlo láabu

 3 BISUIDY XPADAʼYENLO

NI NÁ LA BIBLIA: «Desde mbioxien bimbulo guiich ni nayadit, ni labúu gony que gaclo buñ ni noʼ xcalrrien par guilaalo» (2 Timoteo 3:15). Buny pensary ximod guisuidylo xpadaʼyenlo. Nigolú naniʼ xcalrriembu antes de gálbu. Laʼga noʼbu lainylo, raduidybu cuent órni raniʼlo, órni cabaladxlo o pal cadzuitzlo. Bíil guiich né láabu laʼga nacbu badaʼ, ná diti guiembu xitcal, ndeʼ labúu gony que guioladxbu goʼolbu órni niʼsbu.

Diti gonylo pensary que xpadaʼyenlo niyeʼensabu par guininélo láabu de Dios. Biduidy lagary que xiinienlo guicadiag órni caninélo Jehová (Deuteronomio 11:19). Órni kitlo né xpadaʼlo góoch láabu xí cós ma buny Dios (Salmo 78:3, 4). Laʼga caniʼs xiinlo, saduidybu cuent balaati nadxiʼlo Jehová, né láaca sasuidybu gandxiʼbu Jehová.

NI LABÚU GONYLO:

  • Gonab xcalrracné Dios par guisanéz looy guisuidytzaylo xiinlo

  • Góoch láabu xidal buelt tipnés diitz ni nainy looy ganbu par guisuidybu láani naguel