Rabiguet

Goyee menú ni rarop lagary

Goyee ro ná índice xtuny contenidos

Testigos xtuny Jehová

diitza

Xfamilylo labúu guiguaʼ goxt

 MIDID 8

Órni rioʼ toib desgrasy

Órni rioʼ toib desgrasy

«Lóoto nigolú rabaladxto, ná por tidxósi tiemp pal raquiin gacni scú, ma goyoʼ nabannto por bisaʼ clas galnagan.» (1 Pedro 1:6)

Ná ronylo rutirigaʼlni looy par gaplo toib galtzeʼel né toib family ni guiguaʼ goxt, rioʼ ór sioʼ desgrasy né sonyni que buñ tzoʼ nabann (Eclesiastés 9:11). Per Dios raduidybu galrracné órni cadudyno ló desgrasy. Pal rasoblo xilitz la Biblia ni sieed ló reʼ, looy né xfamilylo labúu gony guantaryto nitisi clas galnagan o desgrasy.

 1 GOP CONFIANZ LÓO JEHOVÁ

NI NÁ LA BIBLIA: «Colguisian ladxñabu guirá galrrasaʼ ni napto, portín láabu rioʼbu ló galrrasaʼ por lóoto» (1 Pedro 5:7). Guirá ór bisetnaladx que Dios diti nap dool de guirá galnagan ni cadudylo lóo (Santiago 1:13). Pal rabignolo láabu, sacnébu looy de xidal mod (Isaías 41:10). «Colguixal xcalnabanyto nislóbu.» (Salmo 62:8.)

Láaca stoib cós ni labúu gacné looy ngú goʼol lo né guisuidylo la Biblia guirá dzú. Pal ronylo ndeʼ, sandxichlo que Jehová «racné lóono ló guirá galnagan ni radudyno ló» (2 Corintios 1:3, 4; Romanos 15:4). Raduidybu xtiitzbu guiduidybu looy paz xtunybu «ni rony gan guirá pensary» (Filipenses 4:6, 7, 13).

NI LABÚU GONYLO:

  • Gonab lóo Jehová gacnébu looy par diti tzoʼlo galrrasaʼ né gonylo pensary galán

  • Bibiʼ xí guirá labúu gacné looy né golú láani

2 GON XFAMILYLO NÉ GON LOOY

NI NÁ LA BIBLIA: «Xcalnabany buñ ni rientzaay racaʼ galnann, né guidiag buñ ni noʼ xcalrrien rony por guidzel galnann» (Proverbios 18:15). Bibiʼ xi láani caquiin tigaaga buñ ni nac xfamilylo, goniné né bicadiag layibu (Proverbios 20:5).

¿Xí labúu gonylo pal raity toibtica buñ ni nadxiʼlo? Diti guitoylo guiniʼlo xi ni rasaclo. Bisetnaladx que dada Jesús «gosaló gorudxaʼbu» (Juan 11:35; Eclesiastés 3:4). Stoib cós ni rasac gonylo ngú guisaladxlo né gaisylo sacró (Eclesiastés 4:6). Modreʼ labúu guicalólo guirá desgrasy ni noʼ.

NI LABÚU GONYLO:

  • Gop costumbre guininélo tzeʼel lo antes de tzoʼ toib desgrasy, modreʼ órni tzoʼ galnagan lainy xfamilylo diti siatzladxyibu gaibyibu looy xi ni cayac

  • Goniʼ né buñ ni láaca ma godudy ló desgrasy reʼ

 3 BIYOPY GALRRACNÉ NI CAQUIINLO

NI NÁ LA BIBLIA: «Toib amigdxin guirá ór nadxiʼ, né nacbu toib buch ni gool par órni noʼ galnagan» (Proverbios 17:17). Ximiglo nainy layibu gacnéyibu looy, per sigory diti nanyibu ximod gonyibu láani. Diti guiatzladxlo, góoch layibu xí labúu gonyibu por looy (Proverbios 12:25). Láaca, biyopy xcalrracné herman ni rientzaay la Biblia. Nandxichdo que xcalrracné la Biblia sacné looy (Santiago 5:14).

Pal biaʼlo radzaklo buñ ni nap fe lóo Dios né nap confianz ló Xtiitzbu, ndeʼ sony que guicaʼlo galrracné ni caquiinlo. Láaca ni labúu gacnégoluʼ looy ngú gacnélo a stipnés buñ ni ma bireʼgan. Góoch a stipnés de fe ni naplo lóo Jehová né de guirá ni gonybu ló dzú ni sietra. Guirá ór gocné a stipnés, diti galsitlo de guirá buñ ni nadxiʼ looy né rioʼ galrrasaʼ por looy (Proverbios 18:1; 1 Corintios 15:58).

NI LABÚU GONYLO:

  • Biiy diitz né ximiglo né biduidy lagary gacnébu looy

  • Goniʼ xí ni merpa caquiinlo né diti guicachlo láani

PAR GANNLO MÁS

¡DIITZ SACRÓ NI SIEED DE DIOS!

¿Xigony raduidy Jehová lagary tzoʼ cós mal né galrrioop?

¿Ximod gosaló cós mal, né xigony Dios caduidy lagary tzoʼni dada nigoreʼ? ¿Sioʼ dzú sanitló galrrioop la?