Rabiguet

Goyee menú ni rarop lagary

Goyee ro ná índice xtuny contenidos

Testigos xtuny Jehová

diitza

Xfamilylo labúu guiguaʼ goxt

 MIDID 5

¿Ximod guiguaʼlo sacró né xfamily tzeʼel lo?

¿Ximod guiguaʼlo sacró né xfamily tzeʼel lo?

«Colguac galrronladx, colgac buñdxo, buñ nadaʼa, buñ natzaayxat né colgac buñ paseinys.» (Colosenses 3:12)

Órni rotzña buñ radxin rap toib family copy. Ná diti guisianlo gonladxlo né gony respetarlo bixioslo, ni más guisac par looy ngú tzeʼel lo. Sigory tipnés xfamilylo sac nagann par layibu guienyibu looy. Per xilitz la Biblia labúu gacné looy par guiguaʼlo goxt né layibu né guiguaʼlo goxt né tzeʼel lo.

 1 CUÁ CUIDAD XIMOD RADZAKLO BIXIOSLO NÉ XINAʼLO

NI NÁ LA BIBLIA: «Gop respet bixioslo né xinaʼlo» (Efesios 6:2). Ná naclo toib mbioxhlas o ma nigoxlo, guirá ór non gonyxiroʼlo né gaplo respet bixioslo né xinaʼlo. Per bisetnaladx que tzeʼel lo láaca raquiin gan bixios né xinaʼ. «Galnadxiʼ diti naguuni», por ngú dipa guidzuitzlo órni tzeʼel lo tzee tzáguen xfamily (1 Corintios 13:4; Gálatas 5:26).

NI LABÚU GONYLO:

  • Diti gonyxiroʼlo láani né diitzreʼ: «Xfamilylo guirá ór raniʼbu mal de naʼ», o «Xinaʼlo dipa rioladx ni roni»

  • Goyoʼ xalagary tzeʼel lo

 2 NADIP GAC XTIITZLO PAL RAQUIINNI

NI NÁ LA BIBLIA: «Buñguieeu guisian bixios né xinaʼ né napbu xí de gacbu toibsi né tzeelbu, né sadxin sacyibu toibsi beʼel» (Génesis 2:24). Órni looy rotzñalo, bixioslo o xinaʼlo labúu guisac que noʼsalo ló xomandarybu né gonylo ni nápayibu.

Ma riaʼanni en looy né tzeʼel lo gaibyto layibu dada púti non tzoʼyibu ladto, per colguiyopy mod gaibyto láani layibu (Proverbios 15:1). Ni gaclo buñdxo né buñ paseinys sacnéni looy par guidzaklo sacró né suegralo, modreʼ sony guantaryto «saʼto por galrronladx» (Efesios 4:2).

NI LABÚU GONYLO:

  • Pal nigolú rioʼlo ló galrrasaʼ por ni xfamilylo rioʼ ladto, biiy diitz de láani né tzeʼel lo órni diti cadzuitzto

  • Biiy diitz né tzeʼel lo ximod guicalóto galnagan reʼ