Accesibilidad ajuste

Biloyña diitz ni cayopylo

Goyee menú ni rarop lagary

Goyee ro ná índice xtuny contenidos

Rabiguet

Testigos xtuny Jehová

diitza

Xfamilylo labúu guiguaʼ goxt

 MIDID 9

Bieen Jehová né xfamilylo

Bieen Jehová né xfamilylo

«Colguien ni bisaʼ guibá né gudxlio.» (Revelación 14:7)

Xomod ma biduidylo cuent ló follet reʼ, la Biblia sitné xidal litz ni labúu gacné looy né xfamilylo. Jehová raniiny que guiguaʼlo goxt né xfamilylo. Láaca Jehová raduidy xtiitz, pal ragoʼto primer lagary láabu «guirá cós ni caquiinto sacaʼto láani» (Mateo 6:33). Dios raniiny que looy gaclo ximigbu. Né por ngú nitisi oportunida ni naplo buny por guidzaklo más láabu, portín ndeʼ nac toib galnasác ni más rasac par toib buñ (Mateo 22:37, 38).

 1 BIDZAKTZAY JEHOVÁ

NI NÁ LA BIBLIA: «Naʼ sadxinna saca bixiosto, né lóoto sadxin sacto xiinna, ná Jehová» (2 Corintios 6:18). Dios raniiny que looy gaclo ximigbu, né ni guininélo láabu nacni toib mod par guibignolo láabu. Scú láani, Jehová raiby lóono: «Colguinab lóo Dios diti guisianto gonyto láani» (1 Tesalonicenses 5:17). Dios rioladx que gaibylo láabu xi galrrasaʼ noʼlo ló né xí noʼ ló xpensarylo (Filipenses 4:6). Pal raninélo Dios toibsi né xfamilylo layibu saduidyibu cuent que looy raluladxlo que noʼ Dios.

Per diti nosi guininélo Dios raquiin guicadiaglo láabu, ¿ximod labúu gonylo láani? Bisuidy la Biblia né libros né guiich ni rareʼ loni (Salmo 1:1, 2). Buny pensary ló ni casuidylo (Salmo 77:11, 12). Par guicadiaglo Dios láaca nigolú raquiin tzeelo reunión (Salmo 122:1-4).

Stoib mod par guidzaklo Jehová ngú gaibylo buñ chú ngú Jehová. Órni más ronylo láani, más sabigaxlo láabu (Mateo 28:19, 20).

NI LABÚU GONYLO:

  • Goleʼ tiemp guininélo Dios né goʼol lo la Biblia guirá dzú

  • Gocné xfamilylo par guisac más par layibu gonybu ni rioladx Jehová né después tzoʼ nakityibu

2 BIBALADX ÓRNI GUIENLO DIOS NÉ XFAMILYLO

NI NÁ LA BIBLIA: «Colguibig ronoʼ Dios, né láabu sabigbu ronoʼto» (Santiago 4:8). Raquiin gonylo toib guiich ro guicaʼlo pu dzú né pu ór guienlo Dios toibsi né xfamilylo (Génesis 18:19). Per diti nosi ngú: guirá dzú bisetnaladx guirá ni ná Dios. Né buny que guiguaʼlo goxt né xfamilylo. La Biblia ná: «Non guisuidylo láani guirá xiinlo né gaibylo láani layibu órni noʼlo lidxlo, né órni saalo ló néz, órni ma gatlo né órni ma guiáslo» (Deuteronomio 6:6, 7). Nadip gac xtiitzlo xomod goniʼ Josué: «Naʼ né lidxi, sasobdo Jehová» (Josué 24:15).

NI LABÚU GONYLO:

  • Bicaʼ ló guiich ni caquiin tigaaga xfamilylo par guisuidyto láani

PAR GANNLO MÁS

¿Xí láani ngú guienno Jehová né xhomilno?

Gon ximod ni looy gonylo ndeʼ sacnéni looy guibigaxlo Dios né guibigaxlo xhomilylo.

¿Ximod guibanylo né xhomilo sacrodiguieʼ?

Galnadxiʼ ni bislooy Jesús non guisuʼ buñguieeu né buñgonaʼ ni ma noʼ tzeʼel láani né buñ ni ma noʼ xiin né mbiox. ¿Ximod labúu guisuʼ buñ Jesús?