Rabiguet

Goyee menú ni rarop lagary

Goyee ro ná índice xtuny contenidos

Testigos xtuny Jehová

diitza

«Tzodieʼto ló xcalnadxiʼ Dios»

 APÉNDICE

¿Ximod guisian buñ kit ro nac buñguieeu o ro nac buñgonaʼ?

¿Ximod guisian buñ kit ro nac buñguieeu o ro nac buñgonaʼ?

Costumbre reʼ labúu gonyni que buñ guisian a Jehová, portín ronyni que buñ rioʼ ló galrrasaʼ nosi por ni caquiin né raxinni xpensary buñ. * Buñ ni rony cós yox reʼ labúu guibiʼbu stipnés buñ xomod juguet par gonybu cós yox né guisacbu sacró. Buñ ni raguit ro nac buñguieeu o ro nac buñgonaʼ ma diti ratnéyibu saʼyibu por galnadxiʼ, xalagary ngú nosi ronybu láani par guisacbu sacró né par guiscueʼsni gan ni napbu tzonébu buñ. Per nosi por tipratien rasac buñ sacró. Mod yox reʼ diti rascueʼsni gan ni rasac buñ ni riné layibu par gony galyoxh né cós yox, xalagary ngú buñ rap más gan tzoné saʼ (Colosenses 3:5).

Pablo bicaʼbu: «Lóoto ni nadxiʼya, gac nayaano de guirá ni rony buidy beʼel laidyno né ni rony buidy espíritu, por ni radzuibyno Dios gac nayaditno» (2 Corintios 7:1). Par tipnés buñ nigolú rac nagann guisobyibu ni ná versículo reʼ; per diti non guireʼganyibu, portín Jehová noʼ puext «par [guituidy] galkié scásiʼ». Scú láani Jehová noʼbu puext par gacnébu buñ (Salmo 86:5; Lucas 11:9-13). Sigory noʼ buñ ni riab loni stoib buelt, per raslooybu que rioʼobni láabu né ronybu xtem par ma diti tzaguiabbu loni stoib. Dipa guialadxno que «Dios más xiroʼbu que xcalnabanyno né  rimbubu guirá cós» (1 Juan 3:20). Órni rabiʼbu lóono, diti nosi rabiʼbu galkié ni ronyno, xalagary ngú rabiʼbu guidopynacno. Rimbutzaaybu xí racno, rapbu galrronladx lóono órni ranabno lóbu guituidybu scásiʼ xcalkiéno. Por ngú, dipa guisianno guininéno láabu né guidopy galnabany né gacno buñdxo, xomod toib mbiox ni rayopy bixios órni caquiin galrracné. Scú láani, Jehová labúu guisiá xcalrrienno (Salmo 51:1-12, 17; Isaías 1:18). Per diti nosi raquiin guininéno láabu; non gonyno ni canabno láabu, ma diti guibiʼno pornografía de guirá clas né ma diti guidzakno buñ yox. *

Pal toib buñ diti labúu racaló galnagan reʼ, non guininébu bixiosbu o xinaʼbu ni nac herman, o toib hermano o hermana ni rien que nadip xfe o toib ximigdxin ni láaca nac herman (Proverbios 1:8, 9; 1 Tesalonicenses 5:14; Tito 2:3-5). *

^ Párrafo. 1 Órni buñ raguit ro nac buñguieeu o ro nac buñgonaʼ ndeʼ raduidy diitz gonyibu láani hasta órni raraa xcanbu.

^ Párrafo. 4 Xidal buñ racaʼ guii computadora nisló xfamily, ndeʼ racné par guiquiinyibu láani galán. Stipnés buñ ragoʼ programas lainy computadora par diti guibiʼyibu guirá cós ni gony mal layibu. Per non guisetnaladxno que ni toib de guirá programas reʼ sacnéni lóono guirá ór.

^ Párrafo. 1 Par ganlo más ximod guisianlo kitlo ro naclo buñguieeu o ro naclo buñgonaʼ, bibiʼ «Los jóvenes preguntan... ¿Cómo puedo superar este hábito?», né ¡Despertad! de noviembre íz 2006, né bibiʼ libro ni laa, Lo que los jóvenes preguntan. Respuestas prácticas, volumen 1, páginas 178 a 182.