Accesibilidad ajuste

Biloyña diitz ni cayopylo

Goyee menú ni rarop lagary

Goyee ro ná índice xtuny contenidos

Rabiguet

Testigos xtuny Jehová

diitza

«Tzodieʼto ló xcalnadxiʼ Dios»

 APÉNDICE

Fracciones xtuny runy né stipnés cós ni raquiin doctor

Fracciones xtuny runy né stipnés cós ni raquiin doctor

Fracciones xtuny runy. Guirá fracciones xtuny runy rareʼni ló tap cós ni laa: glóbulos rojos, glóbulos blancos, plaquetas né plasma. Lad cós ni nap fracciones xtuny runy ni sieed de glóbulos rojos ngú toib proteína ni laa hemoglobina. Né hemoglobina reʼ, ná sieedni de buñ o nimal, raquiinyibu láani par gac remeidy anemias ni ma gocxiroʼ né hemorragias ni ragaity buñ.

Stipnés fracciones sieedni de plasma, né nacni toib 90% de pórsi nís né láaca napni xiroʼgolu hormonas, napni suudy inorgánicas, enzimas né nutrientes, ladni noʼ minerales né dxin. Plasma láaca napni tipnés cós ni rony que runy raquetni, napni proteínas xomod albúmina ni rony que diti naguel guinás galguitz buñ, né rareʼni ló plasma xtuny buñ ni ma cuaʼ vacuna. Scú órni toib buñ nap toib galguitz, doctor raniʼ que guicaʼbu gammaglobulina láani rony que diti naguel guinás galguitz buñ, né rareʼni ló plasma xtuny buñ ni ma cuaʼ vacuna. Glóbulos blancos rabeʼyibu fracciones xomod interferones né interleuquinas, ni raquiinyibu par gac remeidy toib buñ ni nap virus o ni caxoné cáncer.

¿Labúu guicaʼ guirá buñ ni racanal Jesús terapias ni raquiin fracciones xtuny runy la? La Biblia diti raniʼ xí merpa gony buñ, nosi lóono labúu cuuno xí gonyno xomod ná xcalrrienno. Tipnés herman diti racaʼ fracciones xtuny runy,  raniʼyibu que órni Dios biduidy leyes israelitas, Dios góoch layibu que órni guigaityibu nimal «non [guixúyibu] láani layoo» (Deuteronomio 12:22-24). Per noʼ stipnés ni láaca diti racaʼ runy o diti racaʼyibu glóbulos rojos, glóbulos blancos, plaquetas né plasma, per racaʼyibu fracciones xtuny runy, portín rabiʼyibu que fracciones bisian buny representarni vida de lagary ro bireʼni.

Antes de gonyno toib cós non guinabdiitzno lóocano: «¿Rientzaya que pal diti racaʼya guirá fracciones xtuny runy caniya que diti labúu guicaʼya xidal cós xomod tipnés remeidy ni labúu guiquiin doctor par guisial naʼ o guicaabu xiruni né guiquetni órni caxugoluya runy la? ¿Nantzaya ximod labúu cuéxaya nisló doctor xigony diti nainy naʼ o xigony rasaguela racaʼya toib o más fracciones ni nap runy la?».

Stipnés cós ni raquiin doctor. Ndeʼ nac hemodilución né máquina ni ratop runy. Hemodilución nacni órni doctor raxelbu runy stoib lagary, né raquiimbu toib expansor xtuny plasma né después ragoʼbu láani stoib buelt laidy buñ. Né máquina ni ratop runy nacni órni doctor rony operar, máquina reʼ ratop runy ronoʼ toib herid o stoib lagary laidy buñ roʼ canit runy, rierni o rony filtrarbu láani né después ragoʼbu láani laidy buñ stoib buelt. Cada doctor gadzé mod raquiin máquinas reʼ, diti toibsi mod ronyibu láani por ngú herman non guinabdiitz a doctor xtuny ximod gonybu láani.

 Órni coʼno guicno gonyno ni ma bisetlano non guinabdiitzno lóocano: «Pal conésyibu xiruni stoib lagary o nasagadzuni, ¿naduidy xcalrriena lagary guibiʼya que runy cú nacni xtuni, né por ngú diti raquiin guixúya láani layoo la?» (Deuteronomio 12:23, 24). «¿Diti ñoʼob xcalrriena pal ló toib operación doctor nabeʼ xiruni né nasiaabu láani né nadxiguetbu láani ladi stoib la?» «¿Rientzaya que pal diti rasaguela guicaʼya xí remeidy doctor ro raquiinyibu xiruni caniya que láaca diti labúu guicaʼya tipnés cós xomod  análisis de runy hemodiálisis né máquina de circulación extracorpórea la?».

Buñ ni racanal Jesús non guiniʼ ximod guiquiinyibu xirunybu órni gac toib operación. Né scúca racni órni rabeʼyibu análisis né terapias ni rabeʼ né ragoʼ láani stoib né raquiinyibu tidxóyen runy, sigory ronyibu ndeʼ órni ma bigotzyibu láani né stipnés remeidy.