Accesibilidad ajuste

Biloyña diitz ni cayopylo

Goyee menú ni rarop lagary

Rabiguet

Testigos xtuny Jehová

diitza

¿Sanitló galrrioop la?

¿Sanitló galrrioop la?

¿Nacapylo que...

  • ... sanitlóni la?

  • ... diti sanitlóni la?

  • ... sigory sanitlóni la?

 NI NÁ LA BIBLIA

«Dios [...] sasiá nís ni rareʼ bisalóto, galgoity ma diti sioʼni más, ma diti sioʼ ni guisac maláy, láaca ma diti sioʼ ni guicalas rudx, láaca diti sioʼ ni tudy ló galrrioop.» (Revelación 21:3, 4, Traducción del Nuevo Mundo.)

MOD RACNÉNI LOOY

Gantzaylo que Dios diti nap dool de guirá galnagan ni cadudylo ló (Santiago 1:13).

Guisaclo sacró ni Dios rien ximod rasaclo órni radudylo ló galrrioop (Zacarías 2:8).

Gapló esperanza que galrrioop nigolú sanitló (Salmo 37:9-11).

 ¿LABÚU GUILULADXNO NI RASUIDY LA BIBLIA LA?

Scú láani, nigoreʼ nosi guisetlano chop razón:

  • Dios rianladx galrrioop né ni diti rac xinésni. ¿Ximod gosac Jehová órni goyoʼ ni bianladx né buny mal xcudxbu? La Biblia ná que bioʼobni láabu órni «goyoʼ ni bunynaa» xcudxbu (Jueces 2:18).

    Dios diti rioladx buñ ni ratuidy saʼ ló galrrioop. La Biblia ná que rianladxbu «ña ni raxú runy de stipnés ni diti nap dool» (Proverbios 6:16, 17).

  • Dios rioʼ ló galrasaʼ por tigaano. Diti nosi lóono rimbuno «galrrioop né galnabann» ni cadudyno lóo, láaca Jehová no’bu ló galrasa’ por tigaano (2 Crónicas 6:29, 30).

    Por Gobierno ni Jehová nap guinitlóbu galrrioop ni cadudy buñgudxlio ló (Mateo 6:9, 10). Laʼga cabésno gac ndeʼ, nandxichno que Jehová randxiʼdotbu guirá buñ ni rayopy láabu né guidopy galnabany (Hechos 17:27; 2 Corintios 1:3, 4).

 GONABDIITZ NDEʼ LOOY

¿Xigony raduidy Dios lagary tzó galrrioop?

La Biblia racapy galrranabdiitz reʼ ló ROMANOS 5:122 PEDRO 3:9.

PAR GANNLO MÁS

¿Xigony raduidy Jehová lagary tzoʼ cós mal né galrrioop?

¿Ximod gosaló cós mal, né xigony Dios caduidy lagary tzoʼni dada nigoreʼ? ¿Sioʼ dzú sanitló galrrioop la?