Rabiguet

Goyee menú ni rarop lagary

Goyee ro ná índice xtuny contenidos

Testigos xtuny Jehová

diitza

¿Chú layibu rony ni ná Jehová ló xtzúno?

 LESIONY 25

¿Xigony né ximod riaʼ Lagary ro radop testigos xtuny Jehová?

¿Xigony né ximod riaʼ Lagary ro radop testigos xtuny Jehová?

Bolivia

Nigeria, dzú yása guiaʼ né dzú ma goyaʼ

Tahití

Lagary reʼ radopdo né rasuidydo de Gobierno xtuny Dios, tema ni merpa bisuidy Jesús órni bieedbu ló Gudxlio (Lucas 8:1).

Lagary ro radopdo nacní ro rony adorardo Dios. Lagary reʼ ragonésyibu lóodo ximod guinido diitz sacró (Mateo 24:14). Lagary ro radopdo diti toibsi mod nacní né diti toibsi midid riaʼni, nacní yoʼ senciy. Noʼ lagary más de toib congregación raquiin láani. Ló naareʼ ma bisaʼdo xidal mil Lagary ro radopdo (gáay por dzú) portín nigolú caniʼs xcudx Jehová. ¿Ximod labúu ronydo ndeʼ? (Mateo 19:26.)

Riaʼni né bidxiich ni radop nosi par tzaʼ más Lagary ro radopdo. Bidxiich ni ratoplódo raxeldo láani Betel né ma layibu rastiʼnyibu láani a stipnés congregaciones ni caquiin láani, modreʼ labúu rasaʼyibu né ronycopyibu Lagary ro radopyibu.

Buñ ni nac de xidal gudx ni diti riax rasaʼ láani. Ló xidal gudxrop noʼ Grupos ni Rasaʼ Lagary ro radop Testigos. Grupo reʼ rony dxiin né ladyibu noʼ stipnés ni racné layibu por tidxósi tiemp né rieyibu xidal lagary. Herman ni racné tzaʼ lagary ro radopdo né stipnés herman ni racné layibu rieeyibu xidal lagary lainy toib gudxrop. Láaca rieeyibu lagary sit par gacnéyibu herman ni rabés lagarycu guisaʼ Lagary ro radopdo. Ló stipnés gudxrop láaca noʼ stipnés herman ni nan rasaʼ yoʼ né ma goyoʼ ni golú layibu par guibiʼyibu né guisaʼyibu né gony copyibu Lagary ro radop Testigos. Ná noʼ herman ni nantzay rony dxiin, herman ni rabés lagarycu ronyibu casi guirá dxiin. Labúu rac guirá dxiinreʼ por espíritu xtuny Jehová né xtem ni rony xcudxbu (Salmo 127:1; Colosenses 3:23).

  • ¿Ximod labúu rasaʼdo Lagary ro radopdo ló guidopynac Gudxlio?

PAR GANNLO MÁS

XIREUNIONDO

¿Ximod rac xireuniondo?

Gon ximod nac Lagary ro radopdo né xí láani ronydo cú.

¿CHÚ LAYIBU RONY NI NÁ JEHOVÁ LÓ XTZÚNO?

¿Ximod ronydo xireuniondo?

¿Raniiny looy ganlo ximod rac xireuniondo la? Nandxichdo que sadziguiaʼlo mod rasuidydo ni ná la Biblia.