Rabiguet

Goyee menú ni rarop lagary

Goyee ro ná índice xtuny contenidos

Testigos xtuny Jehová

diitza

¿Chú layibu rony ni ná Jehová ló xtzúno?

 LESIONY 23

¿Ximod riaʼ guiich, né ximod rac traducirni?

¿Ximod riaʼ guiich, né ximod rac traducirni?

Lagary ro riaʼ Guiich (Estados Unidos)

Corea del Sur

Armenia

Burundi

Sri Lanka

Par tzanédo «diitz sacró [...] a guirá gudxrop, family, diitz né gudx», rabeʼdo guiich ni raquiindo ló más de gatzgayoʼ cincuent diitz (Revelación 14:6). ¿Ximod labúu ronydo dxiin rodann reʼ? Labúu ronydo láani portín noʼ ni racné lóodo, layibu ngú tidxo buñ ni rasaʼ guiich né tipnés traductores ni riodieʼ ló xchiin, guiráyibu nacyibu testigos xtuny Jehová.

Guirá guiich reʼ riaʼni nirdiguié ló diitz inglés. Tidxo Buñ ni nap xiroʼ Galnann ni Rasanir rabíyibu ximod cayac guirá dxiin ni rac Lagary ro riaʼ Guiich. Desde lagary reʼ rabíyibu xí dxiin gony ni noʼ lagary cuca né stipnés lagary ló Gudxlio ronoʼ Betel. Ni rasaʼ guiich noyibu xidal lagary né ndeʼ ronyni que labúu guinino xidal tema ni racné a xidal clas buñ ni noʼ ló guidopynac Gudxlio.

Texto ni rasaʼyibu raxelyibu láani ronoʼ ni rony traducir. Órni ma bilox goyaʼtzay né ma puext noʼ texto, raxelyibu láani a guirá ni rony traducir ni noʼ ló guidopy Gudxlio, né xcuentyibu noʼni gac traducirni. Layibu ronyibu xtem par guiyopyibu «diitz ni nac xinés» ndeʼ raduidy diitz que racaʼyibu láani mod ná diitz inglés (Eclesiastés 12:10).

Computadoras rony naguel dxiinreʼ. Toib computadora diti labúu rioʼni xalagary toib ni rasaʼ guiich o toib buñ ni rony traducir. Labúu rac naguel dxiinreʼ órni raquiinyibu diccionarios né computadoras. Lóodo ni nac testigos xtuny Jehová napdo toib programa ló computadora ni laa, Sistema Electrónico de Edición Plurilingüe (MEPS, scareʼ laani ló diitz inglés), né por láani labúu ragoʼdo xidal diitz lainy computadora, né láaca por láani labúu ragoʼdo dibuj lainyni né modreʼ riantzayni par cué máquina láani.

¿Xigony nigolú ronydo xtem, ná tidxo mil buñ raniʼ diitz ni rac traducir guiich ni rabeʼdo? Por ni nainy Jehová «que guirá clas buñ guilaa né guidxin gap galnann ni nigolú» (1 Timoteo 2:3, 4).

  • ¿Xí dxiin rac órni riaʼ guiich ni racaʼno?

  • ¿Xigony rony traducirdo ló xidal diitz?

PAR GANNLO MÁS

RABEʼDO LIBROS NÉ GUIICH

Música sacroyen ló xidal diitz

Gon xigony nigolú nagann par gony traducir buñ guirá cánticos reʼ.