Rabiguet

Goyee menú ni rarop lagary

Goyee ro ná índice xtuny contenidos

Testigos xtuny Jehová

diitza

¿Chú layibu rony ni ná Jehová ló xtzúno?

 LESIONY 15

¿Ximod racné ancianos guirá herman?

¿Ximod racné ancianos guirá herman?

Finlandia

Casuidybu

Cayacnéyibu herman né Xtiitz Dios

Caniʼyibu xtiitz Dios

Lainy xcudx Jehová diti noʼ buñ ni riax por dxiin ni rony. Xomod dzú gosaló congregación ni goyoʼ ló xtzú Jesús, scúca ló naareʼ noʼ ancianos ni rasuidytzay né racá dxiin «par gann xiil xtuny Dios» (Hechos 20:28). Ancianos reʼ nacyibu buñ ni radzak Jehová ni ragonés né ran congregación. Xomod goniʼ Pedro: «Diti gonyto láani lafuers, gonyto láani né guidopy galnabany nisló Dios; diti gonyto láani por bidxiich, gonyto láani né gan» (1 Pedro 5:1-3). ¿Ximod racnéyibu lóono?

Rioʼyibu ló galrasaʼ né ranyibu lóono. Ancianos ragonés né ranyibu herman par guibigaxyibu Jehová. Nanyibu que Dios biduidy dxiin ni rasac layibu, por ngú diti ni nayibu rony xhermanyibu, ni ronyibu racnéni né ronyni que xhermanyibu guiguaʼ sacró (2 Corintios 1:24). Xomod toib buñ ni rony dada rutirigaʼlni par gann por tigaa xilieen, ancianos láaca rioʼyibu xcalrasaʼ por tigaa buñ ni nac xilieen xtuny Dios (Proverbios 27:23).

Rasuidyibu lóono gonyno ni ná Dios. Guirá xomal ancianos ronyibu reunión, ndeʼ racni scú par niʼs fe xtunyno (Hechos 15:32). Láaca rioʼyibu puext rasaniryibu rieyibu yoʼ por yoʼ, rony compañeryibu né rasuidytzayibu lóono ximod labúu guinino xtiitz Dios más galán.

Rony animaryibu lóono por tigaano. Par labúu gacnéyibu lóono por tigaa, ancianos riguenyibu lóono lidxno né láaca raninéyibu lóono órni rioʼno Lagary ro radopno. Órni racnéyibu lóono, raquiinyibu la Biblia (Santiago 5:14, 15).

Ancianos diti nosi rony dxiin lainy congregación, láaca xidalyibu rony dxiin par labúu tudy dzú né napyibu family ni non guiyaʼanyibu né ganyibu. Por ngú non gapnó respet guirá ancianos ni rony dxiin nadip lainy xcudx Jehová (1 Tesalonicenses 5:12, 13).

  • ¿Xí dxiin rony ancianos lainy congregación?

  • ¿Ximod rioʼyibu galrasaʼ por tigaano?

PAR GANNLO MÁS

¿Xí ni merpa rasuidy la Biblia?

Órni rionisno rabigaxno Jehová

¿Xí raquiin gonylo par tzonislo? Bisuidy xí raduidy diitz tzonis buñ né ximod non gacni.