Accesibilidad ajuste

Biloyña diitz ni cayopylo

Goyee menú ni rarop lagary

Goyee ro ná índice xtuny contenidos

Rabiguet

Testigos xtuny Jehová

diitza

¿Chú layibu rony ni ná Jehová ló xtzúno?

 LESIONY 9

¿Ximod guisuidytzaylo guiich ni tzanélo reunión?

¿Ximod guisuidytzaylo guiich ni tzanélo reunión?

Camboya

Ucrania

Pal looy casuidylo la Biblia né toibtica testigo xtuny Jehová, nandxichdo que roʼol lo xquiichlo nír guieedbu. Par labúu gacné reunión looy non gonylo scúca guisuidytzaylo guiich ni tzanélo reunión. Pal ma naplo toib ór ni guisuidylo xquiichlo más sacnéni looy.

Biyopy pu ór né pu lagary guisuidylo. ¿Xí ór labúu guienlo más ni guisuidylo? ¿Rosil órni yása salólo gonylo dxiin, o órni ma cayogueʼel órni mbiox ma náaxh la? Ná pal diti naplo xiroʼ tiemp, biyopy balac ór guisuidylo xquiichlo, né diti guiduidylo lagary que tzó ni guicaa looy. Biyopy toib lagary ro diti noʼ ruid, bisioʼy radio, televisión né teléfono. Goniné Dios órni ma saló guisuidylo, ndeʼ sacné looy guialadxlo guirá galnagan ni nóolo ló né gonylo pensary ló Xtiitz Dios (Filipenses 4:6, 7).

Buny subrayar diitz ni guiquiinlo né goyoʼ puext par guilíslo ñalo. Gosaló buny pensary xí tema raniʼni. Bibiʼ xí título nap guiich ni cayoʼol lo, bibiʼ ximod subtítulo radzakni né tema, bibiʼtzay guirá dibuj ni sitnéni né bíil guirá galrranabdiitz ni sitné repas ni más rasac. Ni maca bíil guirá párrafo né biyopy pu sieed ni ma gonabdiitzno. Biyopy ló la Biblia guirá textos ni diti caa ló guiich né buny por guienlo ximod radzakni tema ni cayoʼol lo (Hechos 17:11). Órni guidzel lo lagary ro sieed ni ma gonabdiitzni, buny subrayar láani par labúu guisetnaladxlo ndeʼ. Modreʼ ló reunión pal nainy looy labúu guilíslo ñalo né guinilo chop tzón roʼ diitz ni bienlo.

Ni looy guisuidytzaylo ni tudy ló reunión guirá xomal, modreʼ cagoʼlo pensary copy lainy galnann «ni rasac» ni ma naplo (Mateo 13:51, 52).

  • ¿Xí labúu gonylo par gapló toib ór ni guisuidylo xquiichlo ni rinélo reunión?

  • ¿Ximod labúu guisuidylo xquiichlo par guilíslo ñano ló reunión?

PAR GANNLO MÁS

¿Ximod rac xireunión testigos xtuny Jehová?

Gon ximod rony adorardo Jehová.