Accesibilidad ajuste

Biloyña diitz ni cayopylo

Goyee menú ni rarop lagary

Goyee ro ná índice xtuny contenidos

Rabiguet

Testigos xtuny Jehová

diitza

¿Chú layibu rony ni ná Jehová ló xtzúno?

 LESIONY 11

¿Xigony radopdo ló samblia?

¿Xigony radopdo ló samblia?

México

Alemania

Botsuana

Nicaragua

Italia

¿Raduidylo cuent balaati cabaladx guirá ni noʼ ló dibuj reʼ la? Nacyibu buñ ni dxee ló toib samblia ni ronydo. Xomod nírcu Dios bixel que buñ ni bisob láabu nadop tzón buelt ló toib íz, lóodo láaca scúca rabaladxdo radopdo ló samblia (Deuteronomio 16:16). Ló toib íz lóodo láaca radopdo tzón buelt: rapdo chop samblia de circuit de toib govitz, né toib samblia de tzón govitz. ¿Ximod racné tzón samblia reʼ lóodo?

Ronyni que rabigaxdo más xhermando. Israelitas nigolú bibaladxyibu bunyxiroʼyibu Jehová ló «samblia», né lóodo láaca nigolú rabaladxdo raguaʼdo toibsi né xhermando ló samblia (Salmo 26:12; 111:1). Láani ronyni que guimbudo stipnés Testigos ni nac de stoib congregación né stipnés gudxrop. Galadzú órni dxeedo ló samblia roodo guet toibsi, né ndeʼ ronyni que tzó más ximigdxindo (Hechos 2:42). Lagary reʼ riendo que nigolú noʼ galnadxi lad «guiránac herman ni raguaʼ toibsi» ni noʼ ló guidopynac Gudxlio (1 Pedro 2:17).

Racnéni guibanydo mod ná Dios. Israelitas gocnéni layibu ni goyoʼ ni «bisien diitz» ni sieed ló Xtiitz Dios (Nehemías 8:8, 12). Par lóodo láaca rasac ni rasuidydo ló samblia ni rioʼ. Cada samblia ni rioʼ tema xtunyni rareʼ ló la Biblia. Láani rarexani órni radudy xidal discurs sacró né órni radudy herman ni raslooy ximod labúu gonydo ni ná Dios. Láaca órni racadiagdo Testigos ni racaló galnagan ni noʼ ló xtzúdo né diti rareʼgan, láani racnéni lóodo. Ló samblia de tzón govitz radudy dramas ro herman roc lairy né rony xomod buñ ni bibany nírcu mod rasetlaa la Biblia, né noʼ ni rasuidyni lóodo. Ló guirá samblia rionis buñ ni ná guislooy que ma biduidy xtiitz gony xchiin Dios.

  • ¿Xigony samblia nacní toib ór ro rabaladx buñ?

  • ¿Ximod sacnéni looy pal rielo toibtica samblia ro rapdo?

PAR GANNLO MÁS

Videoclip: Samblia ni nap testigos xtuny Jehová ni rac guirá íz

Gon xigony xidalguixo buñ de guidopy Gudxlio rieeyibu samblia reʼ ni nigolú rasac.