Accesibilidad ajuste

Biloyña diitz ni cayopylo

Goyee menú ni rarop lagary

Goyee ro ná índice xtuny contenidos

Rabiguet

Testigos xtuny Jehová

diitza

¿Chú layibu rony ni ná Jehová ló xtzúno?

 LESIONY 21

¿Xí láani ngú Betel?

¿Xí láani ngú Betel?

Lagary ro ronyibu dibuj (Estados Unidos)

Alemania

Kenia

Colombia

Ló diitz hebreo Betel rarexani «Lidx Dios» (Génesis 28:17, 19, ñeʼ guiich). Scareʼ lóodo ni nac Testigos xtuny Jehová rimbudo lagary ni napdo ló guidopy Gudxlio, né desde lagary reʼ rionés né noʼ ni racné par saado yoʼ por yoʼ. Tidxo Buñ ni nap xiroʼ Galnann ni Rasanir, noyibu Nueva York (Estados Unidos), né desde lagary reʼ rabíyibu ximod cayac dxiin Betel ni noʼ ló xidalguixo gudx. Guirá Testigos ni rony dxiin lagary reʼ rimbudo layibu xomod family Betel. Xomodca toib family, rooyibu, rabésyibu, ronyibu dxiin né rasuidyibu la Biblia toibsi (Salmo 133:1).

Toib lagary ni rasac ro guiráyibu ronyibu dxiin né guidopy galnabany. Herman ni noʼ Betel nacyibu buñguieeu né buñgonaʼ ni nadip fe xtuny, né nabanyibu par gonyibu pór ni ná Dios, né racnéyibu ni rony Gobierno xtuny Dios (Mateo 6:33). Ni toib de layibu riax por xchiin, layibu napyibu ro raisyibu né cuca rooyibu, nosi racaʼyibu tidxo bidxiich par siʼyibu ni rac falt layibu. Cada toibyibu nap toib dxiin; tipnésyibu lainy oficina, tipnésyibu ro ractzay galrro, stipnésyibu racuatzayibu galrro ló mexh né stipnésyibu ronoʼ máquina ni rasaʼ revista o ronoʼ toib máquina ni racaʼ guiichlaidy guirá libro. Stipnésyibu rasiá cuart ni noʼ, ro rieer lairy, stipnésyibu xcuent noʼ gactzay guirá ni noʼ Betel.

Toib lagary ro nogoluʼ dxiin ni racné saano yoʼ por yoʼ. Dxiin ni más rasac ni rony Betel ngú que guiránac buñ gann ni ná Dios ni maca. Follet reʼ ni cayoʼlo goyaʼni cú. Tidxo Buñ ni nap xiroʼ Galnann ni Rasanir layibu gonyibu ximod goyaʼni, né par bixelyibu láani biquiinyibu computadoras par labúu bidxinni ronoʼ guirá traductores ló guidopynac Gudxlio, né riaʼni ló máquina ni noʼ lainy xidal gudx né radzoni más de tigayoʼ chii mil congregaciones. Órni rasaló dxiinreʼ né dada raloxni, herman ni noʼ Betel, racnéyibu dxiin ni más raquiin gac; guiniʼyibu diitz sacró ni sieed de Dios (Marcos 13:10).

  • ¿Chú layibu rony dxiin Betel, né xí racaʼyibu?

  • Guirá dxiin ni rac Betel, ¿xí dxiin ni más raquiin gac racnéni?

PAR GANNLO MÁS

Videoclip: Campaña ni cayac ló guidopynac Gudxlio ni rony testigos xtuny Jehová

Gon xigony rasuidydo buñ ni ná la Biblia ló xidal diitz ni raniʼ buñ né xigony guirá íz xidal ór rasuidydo buñ de Xtiitz Dios.