Accesibilidad ajuste

Biloyña diitz ni cayopylo

Goyee menú ni rarop lagary

Goyee ro ná índice xtuny contenidos

Rabiguet

Testigos xtuny Jehová

diitza

¿Chú layibu rony ni ná Jehová ló xtzúno?

 LESIONY 28

¿Xí sadzelo ló Internet ni napdo?

¿Xí sadzelo ló Internet ni napdo?

Francia

Polonia

Rusia

Jesucristo góoch a guirá ni cuanal láabu: «Colguisaní guii ni naptó nisló buñ, par guibíyibu dxiin galán ni ronyto né gonyxiroʼyibu bixiosto ni noʼ guibá» (Mateo 5:16). Par gonydo ndeʼ raquiindo ni más nicopy noʼ, xomod Internet. Lagary ló Internet ni raquiin testigos xtuny Jehová laani jw.org lagary reʼ sieed xí rony crer, né xí dxiin rony testigos xtuny Jehová. ¿Xí labúu guidzelno loni?

Racapyni né la Biblia ni guirási ór ranabdiitzno. Sadzelo ximod racapy la Biblia tipnés galrranabdiitz ni más rasac ni rony buñgudxlio. Ló página reʼ ma noʼ tratad ni laa, ¿Sanitló galrrioop la?¿Labúu siás gueʼet stoib la?, noʼni ló más de xhoopgayoʼ diitz. Sadzelo Traducción del Nuevo Mundo ló más de tigayoʼ treint diitz, láaca xidal guiich ni racné lóono guienno la Biblia xomod libro ni laa, ¿Xí ni merpa rasuidy la Biblia?, labúu guidzelno revista ni nicopyga xomod La Atalaya ¡Despertad! Xidal guiich reʼ labúu golno o guicadiagno láani ló Internet, láaca labúu guilitno láani ló MP3, PDF o EPUB. Pal nainy looy, labúu cuélo tipnés guiich ni ma noʼ ló xtiitzlo par guiduidylo buñ ni ná guicadiag diitz sacró. Noʼ video ló xidal diitz ni raquiin gop, labúu guilitlo toib grabación ni sieed ló la Biblia, dramascanciones sacró ni guicadiaglo órni nóolo nalat.

Ro ranno xí cayac né testigos xtuny Jehová. Lagary reʼ sitnéni xidal notísy né video ni raniʼ xí dxiin rony testigos xtuny Jehová ló guidopy Gudxlio. Xí rony Testigos, xí rasacloyibu né ximod racnéyibu órni noʼ desgrasy. Láaca lagary reʼ sieed ro gac samblia né ximod guinilo ronoʼ Betel.

Rabaladxdo ni noʼ Internet portín ronyni que xtiitz Dios labúu rasaníni dada lagary ni noʼ más sit, par gacnéni buñ ni rabés ló guidopy Gudxlio xomod Antártida, láani toib lagary ro nigolú sit né nachich. Ranabdo que «xtiitz Jehová guiretzni naguel» ló guidopynac Gudxlio par gacxiroʼ laabu (2 Tesalonicenses 3:1).

  • ¿Ximod racné Internet jw.org par guimbu buñ ni rasuidy la Biblia?

  • ¿Xí láani rioladxloʼ guiyopylo ló Internet ni napdo?