Rabiguet

Goyee menú ni rarop lagary

Testigos xtuny Jehová

diitza

¿Rioladxlo ganlo ni nigolú la?

¿Rioladxlo ganlo ni nigolú la?

¿NIGOLÚ sobre xí cós? Sobre chop tzón galrranabdiitz ni más rasac ni rony buñ. Sigory láaca ma gonabdiitzlo looyca toibtica buelt:

  • ¿Rasacno nisló Dios la?

  • ¿Sioʼ toib dzú ma diti sioʼ guerr ni yoʼob ni rasacno por cós mal la?

  • ¿Xí racno ór raityno?

  • ¿Sabany gueʼet stoib la?

  • ¿Ximod non guininéno Dios par guicadiagbu lóono?

  • ¿Ximod guidzelno galnakit?

Pu nayopylo par nacapylo galrranabdiitz reʼ. Xidal buñ rieebu ranabdiitzyibu ni rasuidy lainy xquidaʼbu né láaca rieeyibu ranabdiitzbu buñgol. Per diti guiráyibu raniʼyibu toibsi midid. Stipnésyibu ralooypani raniʼyibu ni mer láani ór cú, pero diti raclani xidzú maca radudy xtzúni.

Per noʼ toib libro ni nap galrracapy ni raniʼ pór cós nigolú. Órni Jesucristo goniné Bixios goniʼbu: «Xtiitzlo ngú ni nigolú» (Juan 17:17). Xtzúno, rimbuno diitz cú xomod la Biblia. Diitz ni sietra ngú tidxó galrracapy ni nayaa né nigolú ni raduidy la Biblia galrranabdiitz ni ma góc.

 ¿Rasacno nisló Dios la?

¿XIGONY RAC GALRRANABDIITZ REʼ? Nabanyno ló toib Gudxlio ro yadi galrronladx né ro diti rac xinésni. Xidal religión rasuidy que yoʼob ni radudyno por cós mal sieedni de Dios.

NI RASUIDY LA BIBLIA. Dios diti rony cós mal. Job 34:10 ná: «¡Diti gony buñ pensary que Dios ni rony xinésni gony cós ni nigolú mal, que Dios ni nap Xiroʼgolu galnadip gony ni diti nac xinésni!». Dios ni ronladx, nábu gonybu toib cós sacró par buñgudxlio, né por ngú Jesús bisuidy ni guinabno ór guininéno Jehová: «Bixiosdo ni noʼ guibá [...]. Guieed Gobierno xtunylo né gac ni nálo xomod lainy guibá, láaca ló gudxlio» (Mateo 6:9, 10). Nigolú rasacno par Dios por ngú hasta bunycuentbu xiimbu bieed goity por lóono, para que ni nábu gacni nigolú (Juan 3:16).

Láaca bibiʼ xi ná Génesis 1:26-28; Santiago 1:13, né 1 Pedro 5:6, 7.

¿Sioʼ toib dzú ma diti sioʼ guerr ni yoʼob ni rasacno por cós mal la?

¿XIGONY RAC GALRRANABDIITZ REʼ? Ló guerr cayaitygoluʼ xidal buñ. Né guiráno radudyno xidal mod ló galrrioʼob por cós mal.

NI RASUIDY LA BIBLIA. Dios goniʼ ma diti sioʼ galrradíil guidopynac ló Gudxlio. Órni gony mandarybu desde lainy guibá ma diti sasuidy buñ más par tzee guerr. Láaca ma diti sioʼ guip ni guiquiin buñ par guigaity saʼ ló guerr (Isaías 2:4). Né láaca sanitlóbu cós mal né yoʼob ni radudyno ló. La Biblia raiby ndeʼ buñgudxlio: «[Dios] sasiábu nís ni rareʼ bisalóto, galgoity ma diti sioʼni más, ma diti sioʼ ni guisac maláy, láaca ma diti sioʼ ni guicalas rudx, láaca diti sioʼ ni tudy ló galrrioʼob. Cós ni ma góc [ladni noʼ órni diti rac xinésni né ór noʼ yoʼob por cós mal] ma godudyni» (Revelación 21:3, 4).

Láaca bibiʼ xi ná Salmo 37:10, 11; 46:9, né Miqueas 4:1-4.

¿Xí racno ór raityno?

¿XIGONY RAC GALRRANABDIITZ REʼ? Xidal religión rasuidy que noʼ ni nap buñ que ná maca goitybu nabanysani. Noʼ ni ná que gueʼet labúu guitzuibyibu ni nabany, né láaca noʼ ni ná que Dios raxelbu buñ mal ló guii tipzódiguie.

NI RASUIDY LA BIBLIA. Órni raityno rasianno de guibanyno. Eclesiastés 9:5 ná que «gueʼet diti nan xitcal». Diti noʼ ni nanbu, diti riembu, diti ronybu xitcal, por ngú diti labúu guitzuibybu ni nabany né yadi mod par labúu gacnébu ngú (Salmo 146:3, 4).

Láaca bibiʼ xi ná Génesis 3:19 Eclesiastés 9:6, 10.

 ¿Sabany gueʼet stoib la?

¿XIGONY RAC GALRRANABDIITZ REʼ? Guiráno nainy guibanyno sacró toibsi né buñ ni ronladxno. Por ngú guiráxaditno raniiny lóono guibiʼno xhomilno ni ma goity.

NI RASUIDY LA BIBLIA. Xidal buñ ni ma goity sabanybu stoib. Jesús goniʼbu «ni noʼ lainy baʼ conmemorativas sien xirudxbu né sareʼ» (Juan 5:28, 29). Buñ ni guiás lo Gudxlio reʼ, reʼ sabanybu né sabiʼbu láani gacni toib Gudxlio sacró, mod ni goniʼ Dios ñacni desde dzú bisaʼbu láani (Lucas 23:43). Scú láani, ló Gudxlio sacró ni sietra, buñgudxlio ni gony ni ná Dios labúu sapbu toib galnabány tipzó né ma diti saxoʼyibu. Biblia raniʼ: «Buñ ni rony xinésni xtunyibu sac gudxlio, né por tipzó sabanyibu loni» (Salmo 37:29).

Láaca bibiʼ xi ná Job 14:14, 15; Lucas 7:11-17, né Hechos 24:15.

¿Ximod non guininéno Dios par guicadiagbu lóono?

¿XIGONY RAC GALRRANABDIITZ REʼ? Guirá buñ ni noʼ ló religión raninéyibu Dios. Pero xidalyibu rony xpensary diti racadiag Dios layibu.

NI RASUIDY LA BIBLIA. Jesús bisuidy diti guiniʼgoluno toibsi diitz órni raninéno Dios. Goniʼbu scareʼ: «Órni guininélo Dios, diti guiniʼlo toibsi diitz xidal buelt» (Mateo 6:7). Si raniiny lóono guicadiag Dios órni raninéno láabu, gonyno láani mod ni náni láabu. Si nainy lóono guicadiag Jehová lóono napno xi de guinabno láabu ni labúu guiduidybu lóono. 1 Juan 5:14 raiby lóono: «Nitisi cós ni ranabno ni noʼ de acuerdo mod ni nábu, láabu racadiagbu lóono».

Láaca bibiʼ xi ná Salmo 65:2; Juan 14:6, 14, né 1 Juan 3:22.

¿Ximod guidzelno galnakit?

¿XIGONY RAC GALRRANABDIITZ REʼ? Xidal buñ rony xpensary que gacbu buñ bidxiich o gac sacróbu o buñxirop sitnéni galnakit par láabu, né xidalyibu rony por gap láani. Pero ná ronyibu láani diti radzelyibu galnakit.

NI RASUIDY LA BIBLIA. Jesús bisuidy xi ngú ni ritné galnakit órni goniʼbu: «Nakit guirá buñ ni nan que non guiyopy Dios» (Mateo 5:3). Labúu sacno buñ nakit sial gonyno por ganno cós nigolú de Dios né ni nábu gonybu por lóono. Diitz ni nigolú cú sieedni ló la Biblia, né que guimbuno láani racnéni lóono ganno xí ngú ni rasac né xi yaca. Órni raduidyno lagary que la Biblia gaiby xí ni non gonyno, xcalnabányno rasacni más (Lucas 11:28).

Láaca bibiʼ xi ná Proverbios 3:5, 6, 13-18 1 Timoteo 6:9, 10.

 Ma bisuidyno tidxó galrracapy ni la Biblia raduidy a xhoop galrranabdiitz. ¿Nainy looy ganlo más la? Si noʼlo lad ni nan que raquiin guisuidy de Dios ór cú saniiny looy guimbulo de la Biblia. Pentzi ranabdiitzlo looyca xigony raduidy Dios lagary nogoluʼ cós mal né yoʼob ni ritnéni si nigolú nábu gacnébu lóono. Sigory nainy looy ganlo ximod gonylo par guibanylo sacró né xfamilylo. La Biblia racapytzay stipnés galrranabdiitz reʼ.

Ná scú nacni, xidal buñ diti rioladx gan xí náni. Rabiʼyibu láani xomod toib libro ni raniʼ xiroʼ diitz né nagan par guieen buñ láani. ¿Rioladxlo tzoʼ toib ni gacné looy par guidzelo galrracapy ni raduidy la Biblia la? Par labúu gacni scú, testigos xtuny Jehová napbu chop mod ni looy labúu guisuidylo de láani.

¿Ni noʼ primer la? Láani ngú toib libro ni laa, ¿Xí ni merpa rasuidy la Biblia? Goyaʼni par gacnéni buñ ni nigolú noʼ xchiin para que ganbu ximod racapy la Biblia guirá galrranabdiitz ni más rony buñ. Ni rarop ngú guieed toib ni guisuidy looy riolidxlo scásiʼ. Si nainy looy guieed toib testigo xtuny Jehová ni nan rasuidy, guisuidy looy riolidxlo o stoib lagary ro nainy looy par guisuidy né looy Xtiitz Dios. Xidalguixo buñ ma gocné de clas galrrasuidy reʼ, né xidalyibu raniʼyibu que rabaladxyibu portín ma bidzelyibu ni nigolú.

Looy láaca labúu sanlo que guirá ni la Biblia raniʼ nigolú láani, né yadi stoib ni rasac más que láani. Rabeʼni lóono ló crenys né ma diti sonyno xpensaryno xigony rac toib cós o gapno galdzuiby, ronyni que guibanyno nakit né cuésno cós tzaay ni Dios gony por lóono. Jesús ca goniʼ: «Simbuto ni nigolú, né ni nigolú salaa lóoto» (Juan 8:32).