Accesibilidad ajuste

Biloyña diitz ni cayopylo

Goyee menú ni rarop lagary

Rabiguet

Testigos xtuny Jehová

diitza

¿Ximod rabiʼlo la Biblia?

¿Ximod rabiʼlo la Biblia?

¿Naniʼlo que nacní...

  • ... xpensary buñnan la?

  • ... toib libro ni sitné pór galrrascú la?

  • ... Xtiitz Dios la?

 NI NÁ LA BIBLIA

«Guirá ni caa ló la Biblia sieetni de Dios.» (2 Timoteo 3:16, Traducción del Nuevo Mundo.)

MOD RACNÉNI LOOY

Racapytzayni né rabexani ni ranabdiitzlo guirá ór (Proverbios 2:1-5).

Ragonéstzayni looy guirá ór (Salmo 119:105).

Nigolú sapló esperanza par ló dzú ni sietra (Romanos 15:4).

 ¿LABÚU GUILULADXNO NI RASUIDY LA BIBLIA LA?

Scú láani, nigoreʼ nosi guisetlano tzón razón:

  • Radzaktzayni. La Biblia más de cuarent buñguieeu bicaʼ láani ló más de tipmil xhoopgayoʼ íz. Xidalyibu dipa bimbuyibu saʼyibu. Per guirá libros ni sitné la Biblia radzaktzay né toibsi tema napni.

  • Buñ bicaʼ láani modpa gocni. Buñ ni racaʼ historias diti raset órni xcudx diti rony gann. Per buñ ni bicaʼ la Biblia diti buny ngú, diti biatzladxyibu nacaʼyibu ni bunyibu órni bichéyibu né órni biché xcudxyibu (2 Crónicas 36:15, 16; Salmo 51:1-4).

  • Profecía ni napni rarebuʼ. La Biblia goniʼ chopgayoʼ íz nír ximod guiab Babilonia (Isaías 13:17-22). ¡Diti nosi goniʼni ximod guiab Babilonia, láaca goniʼni chú gony láani! (Isaías 45:1-3.)

    Xidal profecías ni nap la Biblia láaca góc cumplir modpa sieed ló la Biblia. ¿Diti ndeʼ ni rabésno de toib libro ni sieed de Dios la? (2 Pedro 1:21.)

 GONABDIITZ NDEʼ LOOY

¿Ximod labúu gacné Xtiitz Dios naʼ?

La Biblia racapy galrranabdiitz reʼ ló ISAÍAS 48:17, 182 TIMOTEO 3:16, 17.

PAR GANNLO MÁS

Diitz sacró, ¿nigolú sieetni de Dios la?

¿Ximod labúu ganno pal la Biblia rasuidy xinésni?