Rabiguet

Goyee menú ni rarop lagary

Goyee ro ná índice xtuny contenidos

Testigos xtuny Jehová

diitza

Ni labúu guisudi ló la Biblia

 LESIONY 55

Ángel xtuny Dios bilaabu Ezequías

Ángel xtuny Dios bilaabu Ezequías

Buñ asirio godíilyibu né gobierno de 10 tribus xtuny Israel. Ór cú rey xtuny Asiria, ni laa Senaquerib láaca ná ñané gobierno de chop family xtuny Judá. Né gosalóbu cuaʼbu gudx Judá toib por toibni. Per gudx ni más bioladxbu ngú Jerusalén. Senaquerib diti gonbu pal Jehová cayap xcudx.

Ezequías, rey xtuny Judá, godixbu Senaquerib xiroʼ bidxiich par diti nanitlóbu Jerusalén. Ná cuacuent Senaquerib bidxiichcu, bixelbu xidalguixo soldad par nadíilyibu né buñ ni goyoʼ Jerusalén. Buñ ni golés Jerusalén bidzuibyibu portín buñ asirios ma cadxin gaxtiguié ronoʼyibu. Ór cú Ezequías góoch layibu: «Diti guidzuibyto. Buñ asirios nadipyibu per Jehová sony lóono más nadip que layibu».

Senaquerib bixelbu rabsaqué par naxiichbu buñ ni golés Jerusalén. Rabsaqué gosagaʼbu nisló xpuert gudxcú né bicaabu rudx: «Jehová diti labúu sacné lóoto. Diti guiduidyto lagary guiscú Ezequías lóoto. Ni toib dios diti labúu salaa lóoto ladxñado».

Ezequías gonabdiitzbu Jehová xí non gonybu, Jehová cuapy láabu: «Diti guidzuibylo ni ná rabsaqué. Senaquerib diti sanitlóbu Jerusalén». Después, Ezequías cuacuentbu tipnés guiich ló Senaquerib ni ná: «Colguiduidy lagary guioʼdo Jerusalén. Jehová diti labúu salaa lóoto». Ór cú Ezequías goninébu Jehová: «Ranába lólo bilaa lóodo ladxñayibu ór cú sanyibu que looysi naclo Dios». Jehová cuapy laabu: «Rey xtuny Asiria diti sioʼbu Jerusalén. Naʼ salaaya xcudxi».

Senaquerib buny pensary que labúu nanitlóbu Jerusalén. Per Jehová bixelbu toib ángel ro biguaʼ guirá soldad asirios. ¡Ló toibsi gueʼel ángel reʼ  bigaitybu 185.000 soldad asirios! Órni Senaquerib bibiʼbu goity guirá soldad nadip ni gopbu, bibiguetbu xcudxbu portín ma diti labúu cualóbu Jerusalén. Jehová buny cumplir ni goniʼ né bilaabu Ezequías né Jerusalén. Pal looy nabéslo Jerusalén, ¿ñaplo confianz lóo Jehová la?

«Ángel xtuny Jehová noʼ roloo guirá buñ ni radzuiby Dios, né calaa layibu» (Salmos 34:7).