Rabiguet

Goyee menú ni rarop lagary

Goyee ro ná índice xtuny contenidos

Testigos xtuny Jehová

diitza

Ni labúu guisudi ló la Biblia

 LESIONY 50

Jehová bilaabu Jehosafat

Jehová bilaabu Jehosafat

Jehosafat buny mandary gudx Judá né binitlóbu guirá altar xtuny Baal né dioxh falz ni goyoʼ lainy xcudxbu. Né goniiny láabu nimbu buñ ley xtuny Jehová. Por ngú, bixelbu príncipes né levitas par nasuidyibu buñ ley xtuny Jehová guidopynaca gudx Judá.

Stipnés gudx ni goyoʼ gahx bidzuibyibu nacalóyibu buñ ni noʼ gudx Judá portín gonyibu que Jehová racné xcudx. Por ngú biscadyibu cós rey Jehosafat. Per ór cú buñ de gudx Ammón, Moab né stipnés buñ ni sieed de Seír goyeeyibu né godíilyibu né buñ Judá. Jehosafat gonbu que saquiimbu xcalrracné Jehová. Por ngú bitopbu xidal buñguieeu, buñgonaʼ né bimbiox lainy gudx Jerusalén. Nisló guirá buñ gonabbu lóo Dios: «Jehová, pal diti racnélo lóodo, diti láabu sonydo gan. Ranába lólo, góoch lóodo xí gonydo».

Jehová bicadiagbu Jehosafat né cuapybu: «Diti guidzuibyto, naʼ sacnéya lóoto. Colguiguaʼ xalagaryto, colguiguaʼ dzudiguié, né colguibiʼ ximod guilaaya lóoto». ¿Ximod bilaa Jehová layibu?

Biraa stoib gueʼelcu, Jehosafat biyopybu buñ ni nan roʼol canción né gochbu buñreʼ nasanir nisló xidalguixo soldad. Layibu bireʼyibu Jerusalén né goyeeyibu toib lagary ni góc laa Tecoa.

Laʼga tipnés buñ cayoʼol fuers canción né noʼ nakit, Jehová cadíil por xcudx. Godxitquelbu ammonitas né moabitas né gosalóyibu godíilyibu né saʼyibu né guiráyibu goityibu. Per Jehová bilaabu gudx Judá, soldad né sacerdotes. Guirá gudx ni goyoʼ gahx gonyibu guirá ni buny Jehová né gonyibu que Jehová cayansa xcudx. ¿Ximod bilaa Jehová xcudx? Xidal mod bunybu láani. Diti biquiimbu xcalrracné buñgudxlio par nalaabu xcudxbu.

«Diti raquiin tíilto ló galrradíil reʼ. Colguiguaʼ xalagaryto, colguiguaʼ dzudiguieʼ, né colguibiʼ ximod ralaa Jehová lóoto» (2 Crónicas 20:17).