Salomón cuaʼbu xcalnasác Jehová órni cuaʼbu galnann. Láaca cuaʼbu toib dxiin rodann par nasaʼbu yoʼ ro ñenyibu Jehová. Per láabu, dxoga dxoga bisiambu Dios. Pal ma noʼ xiinlo bisien láabu ximod Salomón golsitbu de Jehová portín bidzakbu buñ ni bieen dioxh falz. Gudx Israel bidzoo, né goyoʼ tipnés rey mal ni buny que ñenyibu dioxh falz xalagary Jehová. Ló dzúcu, xidal profetas ni buny ni ná Jehová bianladx né bigaity buñ layibu. Jezabel góc tzeʼel toib buñguieeu ni buny mandary né láabu bunybu que gobierno del norte ñen dioxh falz né xtolbu góc xiroʼ cós mal. Gocni toib tiemp nagan par gudx Israel. Ná scú, goyoʼ xidal israelitas ni diti golsit de Jehová, xomod rey Jehosafat né profeta Elías.