Rabiguet

Goyee menú ni rarop lagary

Goyee ro ná índice xtuny contenidos

Testigos xtuny Jehová

diitza

Ni labúu guisudi ló la Biblia

 LESIONY 33

Rut né Noemí

Rut né Noemí

Goyoʼ dzú, goyoʼ galrralán lainy gudx Israel. Por ngú, toib buñgonaʼ israelita ni góc laa Noemí goyeebu gudx Moab toibsi né tzeelbu né guiropca xiingaʼnbu. Per después tzeʼel Noemí goity. Toib xiingaʼnbu bitzña né Rut né stoibcu bitzña né Orpá, guiropca buñgonaʼ reʼ gocyibu buñ moabitas. Nalas gocni, portín guiropca xiingaʼn Noemí goity.

Órni Noemí gon que ma yadi galsii lainy gudx Israel, bibiguetbu xcudxbu. Rut né Orpá buny compañer láabu, per laʼga noʼyibu ló néz Noemí góoch layibu: «Sacró golesnéto xiinna né láaca godabioto naʼ. Naʼ raabi que más galán guicaʼ buñ lóoto stoib. Colguibiguet xcudxto Moab». Guiropca xolidxbu cuapy láabu: «Nigolú ronladxdo looy, diti nainy guisiando looy toiblo». Noemí xidal buelt góoch layibu que nabiguetyibu xcudxyibu. Bidxin midid Orpá bibiguet, per Rut diti gosaguel nabiguet. Noemí gochbu Rut: «Orpá ma bibiguet xcudx né ronoʼ xtioxh, goynal láabu». Per Rut cuapy: «Diti sasiana looy. Xcudxlo sac xcudxi, né Dios xtunylo sac Dios xtuni». Xpensarylo, ¿ximod gosac Noemí órni bicadiagbu ngú?

Rut né Noemí bidxinyibu gudx Israel órni pénsa casaló cosech xtuny cebada. Toibtica dzú, Rut goyee buny gobuac ló xalioo Boaz, xiingaʼn Rahab. Boaz bicadiagbu que Rut nacbu toib moabita né diti bisiambu Noemí. Boaz gochbu xomósbu que nasianyibu tidxó cebada ló layoo par labúu natop Rut láani.

 Gueʼelcu, Noemí gonabdiitz Rut: «¿Pu bunylo dxiin dzureʼ?». Rut cuapy láabu: «Ló xalioo Boaz». Noemí góoch láabu: «Boaz nac xfamily tzeʼela. Buny dxiin ló xaliobu toibsi né mbioxhlas gonaʼ ni cayony dxiin lagarycu. Diti sioʼ ni sonynudy looy».

Rut buny dxiin ló xalioo Boaz dada bilox cosech. Boaz biduidy cuent que Rut nac toib gonaʼ tzaay né toib buñgonaʼ ni rony dxiin nadip. Ló dzúcu pal toib buñguieeu raity né diti rioʼ xiimbu, toibtica xfamilybu labúu rotzña né gonaʼ viodcu. Por ngú Boaz bitzña né Rut. Goyoʼ toib xiinyibu né goleʼyibu laa badaʼ reʼ Obed, después Obed bidxin góc bixiogol David. Guirá ximig Noemí nigolú bibaladxyibu. Goniʼyibu: «Primer, Jehová buny que ñoʼ toib xolidxlo ni godabioo looy. Né nigoreʼ ma noʼ toib xiaclo. Gonyxiroʼno Jehová por guirá galnasác reʼ».

«Noʼ toib amig ni más nadxiʼ saʼ que buchgolné» (Proverbios 18:24).