Rabiguet

Goyee ro ná índice xtuny contenidos

 LESIONY 36

Jefté biduidy xtiitz

Jefté biduidy xtiitz

Israelitas golsityibu de Jehová né gosaló bienyibu dioxh falz stoib. Dioxh falz ni bieen israelitas diti labúu bilaa layibu ladxña ammonitas. Por xidal íz israelitas godudy ló galrrioʼob. Bidxin midid gochyibu Jehová: «Bunydo galkié nislólo. Ranabdo looy bilaa lóodo de xi enemigdo». Israelitas binitlóyibu xtioxhyibu né gosaló bienyibu Jehová stoib. Jehová diti goniiny nabiʼbu israelitas nadudy más ló galrrioʼob.

Por ngú israelitas golúyibu toib buñguieeu nadip ni góc laa Jefté par nasanir nislóyibu ló guerr né nacalóyibu ammonitas. Jefté gochbu Jehová: «Pal racnélo naʼ gony gan ammonitas, naʼ radudi xtiidza que primer buñ ni guireʼ lidxi par guicacuent naʼ,  sadudi láabu looy». Jehová bicadiag ni gonab Jefté né gocnébu Jefté ñony gan ammonitas.

Órni Jefté bibiguet lidx, primer xiindzap guielotbu bireʼ bitzalnéz láabu. Cayaʼbu né caguimbu ló pandereta. ¿Xí buny Jefté ór cú? Bisetnaladxbu ni gochbu Jehová né goniʼbu: «¡Ay, Xiindzapa, rioʼob xcalnabani. Bidudi xtiidza Jehová né par gony cumplir láani non guixela looy tzeelo lainy tabernáculo ni noʼ gudx Siló». Per xiindzapbu cuapy láabu: «Bixiosa pal ma biduidylo xtiitzlo Jehová, non gonylo láani. Nosi ranába looy guiduidylo lagary naʼ tzaʼya né guirá ximiga laidy dainy por chop beʼo. De ngú ma labúu tzaʼya lainy tabernáculo». Xiindzap Jefté goyee buny xchiin Jehová lainy tabernáculo laʼga bibanybu. Guirá íz ximigbu goyee goyguen láabu lainy gudx Siló.

«Nitisi buñ ni más nadxiʼ a bixios o xinaʼ xalagary gandxiʼyibu naʼ, diti sacacuent layibu» (Mateo 10:37).