Rabiguet

Goyee menú ni rarop lagary

Goyee ro ná índice xtuny contenidos

Testigos xtuny Jehová

diitza

Ni labúu guisudi ló la Biblia

Ro rasaló midid 6

Ro rasaló midid 6

Órni israelitas bidxinyibu ló Layoo ni Dios Biduidy xtiitz guicaʼyibu, tabernáculo góc toib lagary ro bienyibu Jehová. Sacerdotes bisuidyibu ni ná Ley, né guirá jueces golonésyibu israelitas. Midid reʼ raslooytzay que ni rony toib buñ o ni ragoʼbu guicbu gonybu raguiñani stipnés buñ. Tigaaga israelita gopbu toib dxiin rodann nisló Jehová né nisló stipnés buñ. Goleʼ loguiaʼ ximod Débora, Noemí, Josué, Ana, xiindzap Jefté né Samuel gocnéyibu xcudxyibu. Goleʼ loguiaʼ que tipnés buñ ni diti góc israelitas xomod Rahab, Rut, Jael né gabaonitas, goyoʼyibu xilad israelitas portín gondxichyibu que Jehová noʼ né gudx Israel.

LÓ MIDID REʼ

LESIONY 29

Jehová golúbu Josué

Jehová bilitzbu Josué, guirá litz ni cuaʼbu láaca racnéni lóono ló naareʼ.

LESIONY 30

Rahab bicachlanbu chop buñ ni goyláach Jericó

Muros xtuny Jericó bidoʼopni. Per lidx Rahab diti biabni ná goyoʼni laidy muros xtuny Jericó.

LESIONY 31

Josué né buñ gabaonitas

Josué gonabbu lóo Dios: «¡Govitz, gosagadzu!». ¿Cuapy Dios láabu la?

LESIONY 32

Barac, Débora né Jael

Órni goity Josué buñ israelitas gosaló bienyibu dioxh falz. Ngú goloʼ layibu ló galnagan, per toib juez ni góc laa Barac, toib buñgonaʼ ni goniʼ profecías ni góc laa Débora né Jael gocné layibu.

LESIONY 33

Rut né Noemí

Chop gonaʼ viod rabiguetyibu gudx Israel. Toibtica de layibu ni laa Rut goyee buny dxiin ló toib layoo, cú bimbu Boaz láabu.

LESIONY 34

Gedeón bunybu gan madianitas

Buñ israelitas ranabyibu xcalrracné Jehová portín buñ madianitas nigolú ronynudy layibu. ¿Ximod 300 soldad xtuny Gedeón buñ gan a 135.000 soldad madianitas?

LESIONY 35

Ana gonabbu Dios ñoʼ xiimbu

Elcaná rinébu Ana, Peniná né guiráca ximbioxbu par guienyibu Dios lainy tabernáculo ni noʼ gudx Siló. Lagarycu Ana gonabbu Dios ñoʼ xiimbu. ¡Órni yása guisaʼ tobiz gool Samuel!

LESIONY 36

Jefté biduidy xtiitz

¿Xí goniʼ Jefté gony né xigony? ¿Xí buny xiindzapbu órni gon láani?

LESIONY 37

Jehová goninébu Samuel

Sumo sacerdote ni góc laa Elí gop chop xiingaʼn ni buny dxiin lainy tabernáculo per layibu diti bisobyibu xiley Dios. Samuel diti bisuʼ layibu. Toibtica goxin Jehová goninébu Samuel.

LESIONY 38

Jehová biduidy galnadip a Sansón

Dios biduidy galnadip a Sansón par nacalóbu buñ filisteos, per órni Sansón biset xigony nigolú nadipbu, buñ filisteos labúu gonás láabu.