Rabiguet

Goyee menú ni rarop lagary

Goyee ro ná índice xtuny contenidos

Testigos xtuny Jehová

diitza

Ni labúu guisudi ló la Biblia

 LESIONY 12

Jacob cuaʼ ni non nacaʼ Esaú

Jacob cuaʼ ni non nacaʼ Esaú

Isaac gop 40 íz órni bunybu galtzeʼel né Rebeca. Láabu nigolú gondxiʼbu tzeelbu. Después goyoʼ xiinyibu, gopyibu toib cuachen.

Xiin lagolbu góc laa Esaú né lahuincu góc laa Jacob. Esaú más bioladxbu saabu pasiary né guigaitybu mainyguiʼix. Per Jacob más bioladxbu ñoʼbu rioʼ.

Ló dzúcu órni raity bixios buñ, xiin lagolbu ngú ni racaʼ más layoo né bidxiich. Guirá ngú rimbuyibu láani xomod herencia. Per xfamily Isaac, diti nosi cuaʼyibu layoo o bidxiich láaca cuaʼyibu galnasác ni Jehová goniʼ guicaʼ xfamily Abrahán. Esaú diti goloʼ cuent guirá ni goniʼ Jehová. Per Jacob gon que guirá ni Jehová ma biduidy xtiitz guiduidy layibu nigolú rasacni.

Toibtica dzú, Esaú goyeebu pasiary guidopynac dzú né bidxinbu lidxbu ma cadzagbu. Ór cú bieen xeʼbu xpuu toib galrroníx ni cayonytzaay Jacob, né goniʼbu: «¡Cayati galrralán! ¡Biduidy tidxó galrro ni cayonytzaaylo guáya!». Jacob cuapy láabu: «Bay, per nír biduidy xtiitzlo naʼ, que naʼ guicaʼya guirá ni non guicaʼlo». Esaú cuapy: «¡Diti nilabúu guirá galrrascad ni non guicaʼya! Cuaʼ láani. Naʼ calaʼna ndeʼ». ¿Xí nálo? ¿Naní guic Esaú órni bunybu ngú la? Yaca. Portín bitzaʼbu toib cós ni nigolú rasac, nosi por tibalat galrro.

 Órni Isaac ma nac buñgolien, goniʼbu que ma bidxin dzú ni ma guiduidybu xilaaybu xiin lagolbu. Per Rebeca gocnébu xiin lahuinbu ni góc laa Jacob par nacaʼ laay ni non nacaʼ Esaú. Órni Esaú gon láani nigolú bidzuitzbu né biyopybu mod nagaitybu buchbu Jacob. Isaac né Rebeca biyopyibu mod nalaayibu Jacob ladxña Esaú. Por ngú gochyibu Jacob: «Goyee ronoʼ bixiolo Labán, bisan xinaʼlo, né goylés né layibu dada órni tudy xcalnadzuitz Esaú». Jacob bisobdiitz né bixonybu par diti nagaity Esaú láabu.

«¿Noʼ pu raquiin pal toib buñ racaʼ guirá ni raduidy gudxliogoxreʼ per por ngú raitybu la? ¿Xí labúu naduidy buñ par labúu nabany?» (Marcos 8:36, 37).