Rabiguet

Goyee menú ni rarop lagary

Goyee ro ná índice xtuny contenidos

Testigos xtuny Jehová

diitza

Ni labúu guisudi ló la Biblia

 LESIONY 11

Fe xtuny Abrahán goyoʼni ló prueby

Fe xtuny Abrahán goyoʼni ló prueby

Abrahán bisuidybu xiimbu Isaac gonladxbu Jehová né gapbu confianz ló guirá ni raniʼ Jehová. Per órni Isaac gop midid 25 íz, Jehová gonabbu Abrahán ñony toib cós ni nigolú nagan. ¿Nanlo xí gonabbu Abrahán la?

Dios gochbu Abrahán: «Ranába looy, goyné toibguielot xiinlo laidy dainy ni laa Moria né cú biscad láabu naʼ». Abrahán diti gonbu xigony Jehová gonab ñonybu ngú; per ná scú, bisobdiitzbu.

Stoib dzúcu, órni nonsa cayonisusien Abrahán goynébu Isaac né chop xomósbu laidy dainy ni laa Moria. Gosaayibu tzón govitz, ór cú ma bibiʼyibu dainy ni laa Moria ni noʼ sit. Abrahán góoch chop xomósbu nabés layibu cú laʼga láabu né Isaac naduidyibu toib galrrascad Jehová. Abrahán goyné gudxil né gochbu Isaac ñoʼy yac ni naquiinyibu órni nagoʼyibu guii. Isaac gonabdiitzbu bixiosbu: «¿Pu noʼ nimalien ni guiscadno a Jehová?». Abrahán cuapy: «Xiingaʼna, Jehová saduidy láamu».

Órni bidxinyibu laidy dainycu, bicuatzayibu guiee né ló guieecu bicuatzayibu yac. Después, Abrahán bilipbu ña né ñeʼ Isaac, né godiʼx láabu ló yac ni ma bicuatzayibu.

Abrahán cuaʼ gudxil. Ór cú, toib ángel xtuny Jehová goniʼ lainy guibá: «¡Abrahán! ¡Diti guigaitylo xiingaʼnlo! Nigoreʼ naana que naplo fe lóo  Dios, portín gosaguelo nagaitylo xiinlo né nascadlo láabu». Ór cú, Abrahán bibiʼbu toib nimalien nag lad soos toib yac. Órcuca bixachbu Isaac né biscadbu nimaliencu a Jehová xalagary xiimbu.

Desde dzúcu, Jehová goniʼbu que Abrahán nac ximigbu. ¿Nanlo xigony la? Portín Abrahán bunybu nitisi gonab Jehová láabu, ná diti gonbu xigony gonab Jehová láani.

Jehová biduidybu xtiitzbu a Abrahán stoib: «Sasiaba galnasác ronoʼlo né sioʼ xidal xiinlo, né sadal xfamilylo». Ngú biduidy diitz que guirá buñ ni rasob a Jehová sacaʼ galnasác por xfamily Abrahán.

«Nigolú gondxiʼ Dios buñgudxlio por ngú biduidybu toibguielot Xiimbu, modreʼ guirá ni gap fe láabu diti guinitló né labúu guibany tipzó» (Juan 3:16).