Rabiguet

Goyee menú ni rarop lagary

Goyee ro ná índice xtuny contenidos

Testigos xtuny Jehová

diitza

Ni labúu guisudi ló la Biblia

 LESIONY 87

Última Pascua ni buny Jesús

Última Pascua ni buny Jesús

Buñ judíos guiránac íz bunyibu lanii Pascua dzú 14 beʼo nisán. Órni bunyibu laniicu bisetnaladxyibu ximod goleʼ Jehová layibu xan xomandary Egipto, né goyné layibu ló Layoo ni Dios Biduidy xtiitz guicaʼyibu. Ló íz 33, Jesús né xpiin bunyibu lanii Pascua lainy gudx Jerusalén lainy toib cuart ni noʼ ló ni rarop píis. Órni bilox godoxtzuyibu, Jesús goniʼ: «Toibtica de lóoto sonycuent naʼ». Xpiimbu bidziguiaʼ né gonabdiitzyibu: «¿Chú láabu?». Jesús cuapy: «Ni guidudi tlaʼ páa ni caʼya reʼ». Ór cú biduidybu tlaʼ páa Judas Iscariote. Órcuca Judas biás né see.

Después Jesús gonabbu lóo Dios, ór cú cuaʼbu toib páa né bitzobu láani cuaʼ xpiimbu ni biaʼan né láabu. Maca goniʼbu: «Colguá páa reʼ. Ndeʼ raduidy diitz beʼel ladi, ni gonycuenta por lóoto». Después, gonabbu lóo Dios né cuaʼbu vino, bituidybu láani ronoʼ guirá xpiimbu né goniʼbu: «Colgueʼ. Ndeʼ raduidy diitz xiruni ni guixúya par guiá galkié. Né naʼ radudi xtiidza lóoto que sony mandaryto né naʼ lainy guibá. Guirá íz gonyto ndeʼ par guisetnaladxto naʼ». Guirá buñ ni nac xpiin Jesús radopyibu guirá íz par gonyibu Cena del Señor. Ronyibu Memorial dzú ni buny Jesús láani, né racni órni ma cayaʼisy Govitz.

 Órni bilox godoxtzuyibu, xpiimbu gosaló gonidal par ganyibu chú láabu más rasac ladyibu. Per Jesús góoch layibu: «Ni más rasac ladto non gacbu buñdxo o gacbu más nahuin».

Jesús láaca góoch layibu: «Lóoto nacto ximiga. Por ngú naʼ raabi lóoto guirá ni Bixiosa raniiny gaiby lóoto. Mápa mer guibigueta guibá ronoʼ Bixiosa. Per lóoto siaʼanto reʼ né buñ san que nacto xpiina pal nadxiʼto saʼto. Non gonladxto saʼto xomodca naʼ ronladxi lóoto».

Después Jesús gonabbu Bixiosbu ñan xpiimbu né ñacnébu xpiimbu ñony dxiin toibsi né goxtiguie. Láaca gonabbu ñac nayaa laa Jehová. Después Jesús né xpiin bíilyibu canción par bunyxiroʼyibu Jehová né ór cú bireʼyibu. Diti xiroʼ ór gonásyibu Jesús.

«Diti tzoʼto ló galrrasaʼ, tidxó xiil, portín Bixiosto ma goniʼ guiduidy Gobierno lóoto» (Lucas 12:32).