Rabiguet

Goyee ro ná índice xtuny contenidos

 LESIONY 93

Jesús bibiguet lainy guibá

Jesús bibiguet lainy guibá

Jesús bidop né xpiin lainy gudx Galilea. Cú buny mandarybu xpiimbu gony toib dxiin ni nigolú rasac: «Coltzé, né colgony más xpiina ló guidopy gudxlio. Colguisuidy layibu guirá ni ma bisudi lóoto né colconis layibu». Después biduidybu xtiitzbu: «Colguisetnaladx, naʼ guirá ór sioʼya né lóoto».

Después ni biás Jesús lad gueʼet, xidalguixo xpiimbu bibiʼ láabu lainy gudx Galilea né Jerusalén por 40 dzú. Bisuidybu xpiimbu xidal cós ni rasac né bunybu xidal galrradziguiaʼ. Órni ma guieebu guibá, goyeebu né xpiimbu laidy dainy Olivos. Jesús góoch layibu: «Diti guireʼto Jerusalén. Colcués ni goniʼ Bixiosa guiduidy lóoto».

Xpiimbu diti bieen ni goniʼbu por ngú gonabdiitzyibu: «¿Ma salólo gony mandarylo gudx Israel la?». Jesús cuapy layibu: «Jehová diti ná goni mandary nigoreʼ. Per mápa mer guicaʼto espíritu santo né ngú saduidy galnadip lóoto par gacto testigos xtuni. Por ngú colguiniʼ xtiitz Dios lainy gudx Jerusalén, Judea, Samaria né dada lagary ni noʼ más sit ló gudxlio».

Ór cú, Jesús see guibá né bieed toib xcaay né binitbu ló xcaaycu. Xpiimbu bibiʼ lainy guibá per ma diti labúu bibiʼyibu Jesús.

Después, xpiimbu bireʼ laidy dainy Olivos né bibiguetyibu Jerusalén. Cú goyoʼ toib yoʼ de chop píis ro bidopyibu guirá ór par goninéyibu Jehová. Golésyibu xi ñaiby Jesús layibu ñonyibu.

«Diitz sacró xtuny Gobierno reʼ sioʼni ló guidopynac gudxlio par gan guiránac buñ láani, né ór cú guilox gudxliogoxreʼ» (Mateo 24:14).