Accesibilidad ajuste

Biloyña diitz ni cayopylo

Goyee menú ni rarop lagary

Goyee ro ná índice xtuny contenidos

Rabiguet

Testigos xtuny Jehová

diitza

Xi libriya ni rasuidy historias xtuny la Biblia

 HISTORIA 115

Gudxlio sac toib lagary móz

Gudxlio sac toib lagary móz

BIBIʼ guirá yac nasoʼ ni sagaʼ, guieʼ móz né dainy nasoʼ. Looy xi nálo, ¿nigolú sacróni la? Bibiʼ bidxin ni cayo ló ña mbioxien ca. Né láaca bibiʼ betz ons né mainy ni sagaʼ ló guixbataʼ ló láach. ¿Ñoladxlo nabanylo lainy toib lagary sacroyen mod rabilo ló dibuj reʼ la?

Dios nainy láabu que looy guibanylo tipzó ló Gudxlio lainy toib lagary móz, ro ma diti guieen yoob looy xomod rasac buñ láani ló naareʼ. Scareʼ ná la Biblia modreʼ cués buñ lainy lagary móz ló Gudxlio. Dios sioʼ né layibu. Galgoity ma diti sioʼni más, ma diti sioʼ ni guicalas rudx, né diti sioʼ ni tudy ló galrrioop. Cós ni ma góc ma godudyni.

Xcuent Jesús láani gac guirá cós sacró ni ma goní Jehová. ¿Nanlo pu dzú gacni la? Scú láani, sonybu guirá ndeʼ órni ma binitlóbu guirá cós mal né guirá buñyox ni noʼ ló Gudxlio. Bisednaladx, órni Jesús goyoʼbu ló Gudxlio bisialbu buñ de bisaʼ clas galguitz, né láaca golísbu tipnés buñ lad gueʼet. Modreʼ bislooybu ni gonybu ló guidopynac Gudxlio órni gony mandarybu lainy Gobierno xtuny Dios.

¡Bunysi xpensarylo nigolú sacró sac dzú ni guibanyno ló Gudxlio móz reʼ! Jesús né tipnés buñ ni cabúbu gony mandary né láabu lainy guibá. Layibu ganyibu guirá buñ ni guibany ló Gudxlio né xcuentyibu sioʼ que guirá buñ guibany goxtiguie. Guisuidyno xí láani non gonyno par labúu guiduidy Dios toib lagary móz ro guibanyno tipzó.

Revelación 21:3, 4; 5:9, 10; 14:1-3.