Accesibilidad ajuste

Biloyña diitz ni cayopylo

Goyee menú ni rarop lagary

Goyee ro ná índice xtuny contenidos

Rabiguet

Testigos xtuny Jehová

diitza

Xi libriya ni rasuidy historias xtuny la Biblia

 HISTORIA 106

Rareʼyibu press

Rareʼyibu press

BIBIʼ ángel ni nanás puert ni xobial. Láabu cabeʼbu xpiin Jesús press. Guisuidyno xigony goyoʼyibu press.

Diti ma godudy xidal dzú de goló fuers ni Dios raquiin par gonybu ni nábu, biab laidy xpiin Jesús. Ndeʼ ni rac: Toib godzu Pedro né Juan rieyibu lainy yoʼ xiroʼ ro rac adorar Jehová. Gahxca ro puert noʼ toib buñ xot ni goolné galguitz reʼ. Buñ riné láabu lagarycu guirá dzú par guinabbu bidxiich guirá ni rioʼ lainy yoʼ ro rac adorar Jehová. Órni buñguitz reʼ rabíbu Pedro né Juan, ranabbu bidxiich. ¿Xí gony chop biinreʼ nigoreʼ?

Pedro né Juan rasagadzu né rabíyibu xiindioxh reʼ, ór cú Pedro raiby láabu: Diti napa bidxiich, per ni napa ngú guidudi looy. ¡Ló laa Jesús biás né gosaa! Ór cú Pedro ranás ñabu niis ladbuʼ, né ni maca buñguieeu reʼ rasandop né rasaló rasaa. Ni Pedro bisial xot reʼ ronyni que buñ nigolú radziguiaʼ né rabaladx.

Pedro raniʼ: Bunydo ndeʼ por xcalnadip Dios, ni golís Jesús lad gueʼet. Laʼga Pedro né Juan caniʼyibu, tipnés ni rasanir ló toib religión radxiin. Nigolú cadzuitzyibu por ni chop biinreʼ raiby a guirá buñ que Jesús ma biás lad gueʼet. Por ngú ranásyibu Pedro né Juan né rasalyibu chop biinreʼ press.

Raraa stoib dzúcu guirá ni rasanir ló toib religión radopyibu. Raxelcaʼyibu Pedro, Juan né láaca buñguieeu ni bisialyibu. Ranabdiitzyibu: ¿Xí galnadip gocné lóoto bunyto ndeʼ?

Pedro raniʼ que bunyibu láani por xcalnadip Dios, ni golís Jesús lad gueʼet. Guirá ni rasanir nisló israelitas par gony goʼox diti radzel xí gonyibu, portín diti labúu guiniʼyibu que galrradziguiaʼ reʼ diti gocni. Por ngú, nachóng rac xtiitzyibu né biinreʼ par diti guiniʼyibu más de Jesús, né raslaʼyibu chop biinreʼ.

Radudy dzú, raniyibu de Jesús né rasialyibu buñguitz. Notísy de guirá galrradziguiaʼ reʼ xidal buñ ran láani. Né por ngú xidalguixo buñ ni rabés lainy gudx ni noʼ roloo Jerusalén ritnéyibu buñguitz par guisial xpiin Jesús layibu. Por ngú, buñ ni rasanir ló toib religión, radzuitzyibu né ragoʼyibu xpiin Jesús press. Guibino xí galnadx rac.

Ló gueʼel cú, ángel xtuny Dios raxal xpuert press, xomod rabilo ló dibuj. Ángel reʼ raniʼ: Coltzé né colguisagaʼ lainy yoʼ xiroʼ ro rac adorar Jehová né colguininé buñ. Raraa stoib dzúcu, órni ni rasanir ló toib religión raxelcaʼyibu xpiin Jesús, diti radzelyibu guirá biinreʼ. Lagary ro radzelyibu xpiin Jesús ngú lainy yoʼ xiroʼ ro rac adorar Jehová ór cú ranásyibu biinreʼ né rinéyibu biinreʼ nisló Sanedrín.

Guirá buñguieeu ni rasanir ló toib religión raniyibu: Gochdo lóoto que diti nasuidyto más de Jesús. Per lóoto ma bunyto que guirá buñ Jerusalén ma nann de Jesús. Xpiin Jesús racapy: Napdo xi de guisobdo Dios xomod ni rony mandary, diti buñgudxlio. Xpiin Jesús diti rasian raniyibu xtiitz Dios. ¡Galán mod bisianyibu par guicanalno!

Hechos, capítulos 3 a 5.