Accesibilidad ajuste

Biloyña diitz ni cayopylo

Goyee menú ni rarop lagary

Goyee ro ná índice xtuny contenidos

Rabiguet

Testigos xtuny Jehová

diitza

Xi libriya ni rasuidy historias xtuny la Biblia

 HISTORIA 104

Jesús rabiguet guibá

Jesús rabiguet guibá

RADUDY dzú, Jesús raduidy lagary que xpiimbu guibí láabu xidal buelt. Toibtica buelt, gahxca 500 buñ ni racanal láabu rabí láabu. Órni layibu tisintiempsi rabíyibu Jesús, ¿nanlo xí raiby Jesús layibu la? Ranibu de Gobierno xtuny Dios. Jehová bixel Jesús ló Gudxlio par guisuidybu buñ ni gony Gobierno reʼ. Né diti bisiambu goníbu de Gobierno reʼ después ni biásbu lad gueʼet.

¿Rasetnaladxlo xí ngú Gobierno xtuny Dios la? Scú, láani ngú toib Gobierno xtuny Dios ni noʼ guibá ni gony xinésni, né Jesús ngú ni Jehová Golú par gony mandary lainy Gobierno reʼ. ¡Xomod ma bisuidyno, Jesús bislooy mod galán ni gony mandary, órni biduidybu ni godó buñ, bisialbu buñguitz né láaca golísbu gueʼet!

Por ngú, órni Jesús gony mandary desde lainy guibá tipmil íz, ¿xí gac ló Gudxlio? Scú láani, guidopynac Gudxlio sácni toib lagary móz. Diti sioʼ más guerr, buñ mal ni guigaity saʼ, galguitz, láaca ma diti sioʼ galgoity. Nánno que scú gacni portín Dios bisaʼ Gudxlio par ñacni toib lagary sacroyen par nabés buñ loni goxtiguie. Por ngú bisaʼbu lagary sacroyen ni góc laa Edén. Guidxin midid xcuent Jesús tzó gac ni ná Dios.

Ma bidxin ór guibiguet Jesús guibá. Por 40 dzú biduidybu lagary que xpiimbu nabiʼ láabu, nigoreʼ layibu ma nanyibu que nabanybu stoib. Per antes ni guibiguetbu guibá raibybu guirá xpiimbu: Colguiaʼan Jerusalén hasta órni ma cuaʼto fuers ni Dios raquiin par gonybu ni nábu. Fuers reʼ nacní xomod buu ni ralopy, láani sacnéni guirá xpiin Jesús gonyibu ni ná Dios. Ralox ranibu ndeʼ raibybu xpiimbu: Lóoto sasaato yoʼ por yoʼ né saniʼto ni ma bisuidy lóoto guirá lagary ni noʼ más sit ló Gudxlio.

Ralox ranibu ndeʼ, rac toib galrradziguiaʼ. Jesús rabiguet guibá mod rabilo ló dibuj reʼ. Ór cú toib xcaay radudy né láani ronyni que ma diti labúu rabíyibu Jesús. Rabiguetbu guibá, né desde lagarycu rasaló rony mandarybu a guirá ni racanal láabu ló Gudxlio.

1 Corintios 15:3-8; Revelación 21:3, 4; Hechos 1:1-11.