Accesibilidad ajuste

Biloyña diitz ni cayopylo

Goyee menú ni rarop lagary

Goyee ro ná índice xtuny contenidos

Rabiguet

Testigos xtuny Jehová

diitza

Xi libriya ni rasuidy historias xtuny la Biblia

 HISTORIA 105

Riaʼanyibu lainy gudx Jerusalén

Riaʼanyibu lainy gudx Jerusalén

BUÑ ni rabilo ló dibuj reʼ nacyibu ni racanal Jesús. Bisobdiitzyibu Jesús né biaʼanyibu Jerusalén. Laʼga cabésyibu reʼ, toib ruid xiroʼ rac guidopy lanioʼ ro dxeeyibu. Nacní xomod toib buroʼdant ni radudy naguel. Né nigoreʼ rasaló rien guii xomod loch guic cada toib ni racanal a Jesús. ¿Labúu rabilo guii cú guicyibu la? ¿Xí raduidy diitz guirá ndeʼ?

¡Nacní toib galrradziguiaʼ! Jesús ma noʼbu lainy guibá né bixiosbu stoib, né casiabbu fuers ni Dios raquiin par gonybu ni nábu, laidy ni racanal láabu. ¿Nanlo xí láani rachiin fuers reʼ gonyibu la? Guiráyibu rasaló raniʼ bisaʼ clas diitz.

Xidal buñ de Jerusalén rien ruid ni nac xomod toib buroʼdant, né rieedyibu par ganyibu xí ni cayac. Tipnésyibu sieed de xidal gudxrop par tzóyibu ló lanii Pentecostés ni rony israelitas. ¡Ni radxiin lagary reʼ radziguiaʼyibu! Ni racanal Jesús rasaló raniʼ de galrradziguiaʼ ni buny Dios en xtiitzyibu.

Guirá ni radxiin par gann xí cayac raniyibu: Buñreʼ pór buñ Galilea layibu. Por ngú, ¿ximod nga labúu raniyibu xtiitzno?

Pedro nigoreʼ rasagaʼ par cuéxa láani. Rasaló ranibu fuers né raibybu a guirá buñreʼ ximod goity Jesús, né ximod Jehová ma golís láabu lad gueʼet. Nigoreʼ Jesús ma noʼbu ladbuʼ Dios lainy guibá, ná Pedro. Né láabu ma bisiabbu fuers ni Dios raquiin par gonybu ni nábu, ni goníbu guiduidybu. Por ngú góc guirá ndeʼ ni lóoto radziguiaʼto.

Órni Pedro raniʼ guirá ndeʼ, xidal buñ ni racadiag ni caniʼbu rioʼobni layibu ni góc né Jesús. Ranabdiitzyibu: ¿Xí láani non gonydo? Pedro raiby layibu: Non guisianto mod nacto né tzonisto. Dzúcu gahxca 3,000 buñ rionis né radxiin racanal Jesús.

Hechos 2:1-47.