Accesibilidad ajuste

Biloyña diitz ni cayopylo

Goyee menú ni rarop lagary

Goyee ro ná índice xtuny contenidos

Rabiguet

Testigos xtuny Jehová

diitza

Xi libriya ni rasuidy historias xtuny la Biblia

 HISTORIA 86

Racanalyibu toib vitzón

Racanalyibu toib vitzón

¿LABÚU rabilo vitzón ni cacaptzadit ni caloyña toibtica buñguieeu ni noʼ ló dibuj ca la? Órni bireʼyibu gudx Jerusalén, vitzón reʼ bieen caani guibá. Layibu sieedyibu niis ro ralainy Govitz, né nacyibu buñ ni raluladx que rabexa mod caa vitzón. Raluladxyibu que vitzón copy reʼ siné layibu ronoʼ toib buñxirop.

Órni layibu radxiinyibu Jerusalén, ranabdiitzyibu: ¿Pú noʼ mbioxien ni guidxin gony mandary a judíos? «Judíos» láani nacní stoib laa ni racá buñ israelitas. Raniyibu: Nirdiguié bibiʼdo xpitzónbu niis ro ralainy Govitz, né sieldo par gony adorardo láabu.

Órni Herodes buñguieeu ni rony mandary Jerusalén bidxin guidiagbu ndeʼ, nigolú bidzuitzbu. Herodes diti náni láabu que stoib tzó xalagarybu par gony mandary. Por ngú, ranabdiitzbu guirá buñguieeu ni rasanir nislóyibu par gony goʼox: ¿Pu lagary gál buñ ni nayibu gony mandary? Layibu cuapyibu: La Biblia ná que lainy gudx Belén.

Ór cú Herodes gochbu buñ ni sieed niis ro ralainy Govitz: Colguiyopy mbioxien reʼ. Órni guidzelto láabu colgaiby láani naʼ. Láaca nainy naʼ gony adorar láabu. Herodes ni náni láabu ngú guigaitybu badaʼ reʼ.

Ór cú vitzón rasanir nislóyibu, né rasagadzuni lagary ronoʼ mbioxien cú gudx Belén. Órni layibu rioʼyibu lanioʼ, radzelyibu María né xiinienbu Jesús ni niyeʼensa. Layibu rascadyibu cós a Jesús. Per Jehová ló toib bacaʼal raiby layibu que diti guibiguetyibu ronoʼ Herodes. Por ngú, ranásyibu stoib néz né rabiguetyibu xcudxyibu.

Órni Herodes ran que guirá buñguieeu reʼ ma gonás stoib néz, nigolú radzuitzbu. Rony mandarybu gaity guirá mbioxien ni nap chop íz né ni más niyeʼensa. Per órni Herodes goní ndeʼ, ór cú Jehová ló toib bacaʼal buny mandarybu a José par tze Egipto né xfamily. Diti xidzú, órni José ran que Herodes ma goity, rabiguetbu né María, né Jesús gudx Nazaret. Né lagary reʼ ni laa Nazaret ranís Jesús.

Looy xí ronylo pensary, ¿chú láabu buny que nacaptzadit vitzón copy lainy guibá? Bisednaladx, guirá buñguieeu nír goyeyibu gudx Jerusalén par nabiʼyibu vitzón. Buñdzab goniiny nagaitybu Xiin Dios, né láabu gonbu que Herodes ni rony mandary gudx Jerusalén nayopy mod par nagaitybu Jesús. Scú láani, Buñdzab láabu bunybu que nacaptzaʼ vitzón reʼ.

Mateo 2:1-23; Miqueas 5:2.