Accesibilidad ajuste

Biloyña diitz ni cayopylo

Goyee menú ni rarop lagary

Goyee ro ná índice xtuny contenidos

Rabiguet

Testigos xtuny Jehová

diitza

Xi libriya ni rasuidy historias xtuny la Biblia

 HISTORIA 90

Né toib buñgonaʼ roʼ pós

Né toib buñgonaʼ roʼ pós

JESÚS casaladx roʼ toib pós ni noʼ gahx gudx Samaria. Xpiimbu sée Samaria par siʼ galrro. Buñgonaʼ ni Jesús caniné bieed par cué nís lainy pós. Jesús raiby láabu: Biduidy nís gueeya.

Ni rony Jesús rony que radziguiaʼ gonaʼ reʼ. ¿Nanlo xigony la? Portín Jesús buñ judío láabu, né gonaʼ reʼ buñ samaritana, né xidal judíos diti rioladx guidzak né buñ samaritanos. ¡Diti raninéyibu samaritanos! Per Jesús nadxibu guiráxadit buñ. Láabu ranibu: Pal ñanlo chú canab nís looy par gueʼ, looy nanablo láabu, né láabu naduidybu nís par labúu guibanylo tipzó.

Gonaʼ reʼ racapy: Xoʼ, pós reʼ nigolú gueʼet napni nís, né looy diti naplo toib cubet, ¿pu cuélo nís ni rony que guibany buñ tipzó?

Pal reʼlo nís ni noʼ lainy pós salaʼnlo nís stoib, ná Jesús. Per nís ni guidudi looy labúu sonyni que buñ guibany tipzó.

Gonaʼ reʼ racapy: ¡Biduidy nís ca naʼ! Ór cú diti salaʼna nís né ma diti sieela reʼ par cueʼya nís.

Buñgonaʼ reʼ raluladx que Jesús caniʼ de nís ni raquiinno. Per láabu caniʼbu de xtiitz Dios né Gobierno xtuny, ni nac xomod nís ni rony que guibany buñ tipzó.

Jesús raibybu gonaʼ reʼ: Goyee né góoch láani tzeʼel lo né bibiguet reʼ.

Naʼ diti noʼ tzeʼela, racapybu.

Cuapytzaaylo, ná Jesús, per looy ma goyoʼ gáay tzeʼel lo, né buñguieeu ni rabesnélo diti tzeʼel lo láabu.

Gonaʼ reʼ radziguiaʼ, portín guirá ni góoch Jesús láabu nigolú láani. ¿Ximod gon Jesús guirá ndeʼ? Scú láani, portín Jesús ngú ni Dios biduidy xtiitz guieed ló Gudxlio né por ngú nambu guirá ndeʼ. Nigoreʼ xpiin Jesús radxiin ronoʼbu, né radziguiaʼyibu que Jesús caniné toib buñgonaʼ samaritana.

¿Xí rasuidyno de guirá ndeʼ? Que Jesús buñtzay nac né guiráxadit buñ. Lóono non gacno xomod láabu, diti gonyno pensary que toib buñ nac buñ mal por ni nacbu gadzé color o de stoib gudx. Jesús raniiny láabu que guirá buñ guimbu xtiitz Dios ni riné lóono guibanyno tipzó. Non guiniiny lóono gacnéno buñ par guimbuyibu xtiitz Dios.

Juan 4:5-43; 17:3.