Accesibilidad ajuste

Biloyña diitz ni cayopylo

Goyee menú ni rarop lagary

Goyee ro ná índice xtuny contenidos

Rabiguet

Testigos xtuny Jehová

diitza

Xi libriya ni rasuidy historias xtuny la Biblia

 HISTORIA 98

Ló dainy Olivos

Ló dainy Olivos

NI RABILO ló dibuj reʼ ngú Jesús ló dainy Olivos. Tap buñguieeu ni noʼ né láabu ngú xpiimbu. Andrés né Pedro buchbu saʼyibu, né Santiago né Juan láaca buchbu saʼyibu. Yoʼ xiroʼ ni sob sit ni rabilo ca, nacní yoʼ xiroʼ ro rac adorar Jehová ni noʼ lainy gudx Jerusalén.

Ma godudy chop govitz de goló Jesús goyoʼ lainy gudx Jerusalén dxiip toib bor. Dzureʼ ma marty láani. Jesús láaca goyoʼbu lainy yoʼ xiroʼ ro rac adorar Jehová dzú yása guidxin dzú marty. Lagarycu tipnés buñguieeu ni rasanir nisló toib religión biyopyibu mod nagaityibu Jesús. Per bidzuibyibu portín buñ rioladxyibu mod nac Jesús.

Jesús góoch guirá buñguieeu ni gosanir ló toib religión: ¡Beʼel né xiin beʼel! Ór cú Jesús láaca góoch que Dios sony castigar layibu por guirá cós mal ni ma bunyibu. Bilox goní Jesús guirá ndeʼ biaʼpybu laidy dainy Olivos, né tap xpiimbu gosaló gonabdiitz láabu. ¿Nanlo xí ranabdiitzyibu la?

Xpiimbu ranabdiitz láabu xí láani gac ló dzú ni sietra. Nanyibu que Jesús sanitló guirá cós mal ni rac ló Gudxlio. Per xpiimbu nainy gann pu dzú ma gonybu guirá ndeʼ. ¿Nanlo pu dzú guieed Jesús stoib par gony mandary la?

Jesús nann que guirá ni racanal láabu ló Gudxlio diti labúu sabiʼ láabu órni guieedbu stoib. Ndeʼ nacní scú portín láabu sony mandarybu lainy guibá, né diti noʼ chú sabiʼ láabu. Por ngú, Jesús raibybu xpiimbu tipnés cós ni gac ló Gudxlio órni ma saló gony mandarybu lainy guibá. ¿Xí cós goní Jesús gac?

Jesús raiby layibu que sioʼ xiroʼ guerr, galguitz, galrralán, buñ mal ni guigaity saʼ, né sioʼgolu xo rodann. Láaca nábu que diitz sacró ni raniʼ de Gobierno xtuny Dios sann buñ láani ló guidopynac Gudxlio. ¿Ma rabino guirá ndeʼ ló xtzúno la? ¡Scú láani! Labúu gapnó confianz que Jesús ma cayony mandary lainy guibá. Mápa mer guinitlóbu guirá cós mal ni noʼ ló Gudxlio.

Mateo 21:46; 23:1-39; 24:1-14; Marcos 13:3-10.