Rabiguet

Goyee menú ni rarop lagary

Goyee ro ná índice xtuny contenidos

Testigos xtuny Jehová

diitza

Xi libriya ni rasuidy historias xtuny la Biblia

 HISTORIA 91

Jesús rasuidy buñ laidy toib dainy

Jesús rasuidy buñ laidy toib dainy

BIBIʼ Jesús sob reʼ. Casuidybu guirá buñ laidy toib dainy de Galilea. Ni noʼ más gahx ronoʼbu ngú xpiimbu. Láabu golúbu doce de layibu par gac xpiimbu. Xpiimbu ngú ni golúbu par guicanal láabu. ¿Nanlo ximod laayibu la?

Ni primer golú Jesús ngú Simón Pedro né buchbu Andrés. Ór cú golúbu Santiago né Juan, buch saʼyibu. Stoib xpiimbu láaca laa Santiago, né stoib laa Simón. Chopyibu laa Judas, toib ngú Judas Iscariote né stoib laa Judas ni láaca laa Tadeo. Golúbu Felipe né Natanael ni láaca góc laa Bartolomé, né golúbu Mateo né Tomás.

Órni rabiguet Jesús de Samaria, ór cú rasaló ranibu diitzreʼ: Gobierno xtuny Dios ma noʼni gahx. ¿Nanlo xí ngú Gobierno reʼ la? Láani ngú toib Gobierno xtuny Dios ni gony xinésni ló Gudxlio. Jesús ngú ni gony mandary ló Gobierno reʼ lainy guibá né desde lagary reʼ sonybu que buñ saguaʼ goxt ló Gudxlio. Guidopynac Gudxlio sácni toib lagary sacroyen né Gobierno xtuny Dios sony láani.

Ló dibuj reʼ Jesús casuidybu stipnés buñ ni Gobierno xtuny Dios gony. Jesús raniʼ: Scá non guininéto Dios. Bixiosdo ni nóolo guibá, gac xiroʼ laalo. Saguieed Gobierno xtunylo. Né gac ni nálo ló Gudxlio reʼ xomod racni lainy guibá. Xidal buñ rimbu diitzreʼ xomod laay. ¿Labúu guinilo guidopy diitzreʼ la?

Jesús láaca casuidybu ximod gac buñ né saʼ. Láabu ranibu: Buny stipnés ni nainy looy gonybu looy. ¿Rioladxloʼ órni buñ raniʼ mal de looy la? Yaca, por ngú non gacno buñtzay né stipnés. ¿Diti sacró sácni órni Gudxlio reʼ sadxin sac toib lagary móz roʼ ma diti sioʼ ni sony mal lóono la?

Mateo, capítulos 5 a 7; Mat. 10:1-4.