Rabiguet

Goyee menú ni rarop lagary

Goyee ro ná índice xtuny contenidos

Testigos xtuny Jehová

diitza

Xi libriya ni rasuidy historias xtuny la Biblia

 HISTORIA 85

Jesús rál lainy xcorraa nimal

Jesús rál lainy xcorraa nimal

¿NANLO chú ngú badaʼ reʼ la? Scú láani, Jesús láabu. Suusi golbu lainy xcorraa nimal, láani ngú toib lagary ro rieg nimal. María caguiʼxbu Jesús lainy toib canoo, láani lagary ro rioʼ ni ro bor né stipnés nimal. Per ¿xigony noʼ María né José ro dxee guirá nimal? ¿Nacní toib lagary galán par gál toib badaʼ la?

Yaca, diti nacní toib lagary galán. ¿Xigony bidxinyibu Belén? Buñguieeu ni rony mandary Roma ni laa César Augusto bicaʼbu toib ley que guirá buñ guibiguet gudx ro gool par guicaʼ laayibu ló toib libro. Scú láani, José golbu gudx Belén. Per órni láabu né María goyoʼbu gudx Belén diti bidzelyibu lagary ro nadxínyibu. Ngú buny que ñeyibu ro dxee nimal. ¡Dzúcu María gosann Jesús! Mod rabilo ló dibuj, golbu nasac.

¿Labúu rabilo buñ ni cayap xiil sieed par guibíyibu Jesús la? Layibu dxeeyibu guiʼix gueʼel cú órni toib guii bicaptzadit roloo ro dxeeyibu. ¡Toib ángel bixiin ronoʼyibu! Ni cayap xiil nigolú bidzuibyibu. Ángel reʼ góoch layibu: ¡Diti guidzuibyto! Sitnéya diitz sacró par lóoto. Dzureʼ gudx Belén gool Cristo ni Dios golú. ¡Láabu guilaabu gudx! Labúu guidzelto láabu lainy toib canoo ro náaxhbu né narelbu lairy. Tisintiempsi, xidalguixo ángeles radxiin par gonyxiroʼ Jehová. Órcuca ni cayap xiil raxonyibu rayopyibu Jesús, né nigoreʼ xomod rabilo ló dibuj ma bidzelyibu Jesús.

¿Nanlo xigony góc Jesús toib buñxirop la? ¿Nanlo chú ngú nigolú góc Jesús la? Bisednaladx, ló primer historia ni sieed ló libro reʼ bisuidyno ni góc primer Xiin Dios. Láabu bunybu dxiin né Jehová órni goyaʼ guibá né Gudxlio né guirá cós. ¡Ndeʼ Jesús!

Scú láani, Jehová buny que María gocxiin. Né ór cú, gosaló gonís Jesús lainy María xomod ranís toib badaʼ lainy xinaʼ. Per badaʼ reʼ Xiin Dios láabu. Bidxin midid Jesús gool lainy toib xcorraa nimal ni noʼ gudx Belén. ¿Labúu raduidylo cuent xigony bibaladx guirá ángeles órni goníyibu que Jesús ma gool la?

Lucas 2:1-20.