Rabiguet

Goyee menú ni rarop lagary

Goyee ro ná índice xtuny contenidos

Testigos xtuny Jehová

diitza

Xi libriya ni rasuidy historias xtuny la Biblia

 HISTORIA 87

Jesús mbioxhlasien lainy yoʼ xiroʼ

Jesús mbioxhlasien lainy yoʼ xiroʼ

BIBIʼ mbioxhlasien ni caniné pór buñgox. Layibu nac mextra lainy yoʼ xiroʼ ro rac adorar Jehová ni noʼ lainy Jerusalén. Né mbioxhlasien reʼ láabu ngú Jesús. Ma gonísbu né par nigoreʼ ma napbu 12 íz.

Mextra ni dxee reʼ nigolú radziguiaʼyibu Jesús nigolú nambu de Dios né guirá ni caa ló la Biblia. Per ¿xigony diti noʼ José né María reʼ? ¿Pu noyibu? Guibino guidoni.

Guirá íz José ritné xfamily a Jerusalén par tzóyibu ló lanii ni laa Pascua ni rac toibsi buelt ló toib íz. Xiroʼ rasaayibu de Nazaret par guidxinyibu gudx ni laa Jerusalén. Diti noʼ chú nap camión, láaca yadi roplan, portín diti goyoʼni ló dzúcu. Guirá buñ rasañeʼ, né par guidxinyibu Jerusalén rinéni layibu tzón govitz.

Par nigoreʼ ma noʼ xidal xiinyibu. Por ngú racáyibu cuidad bisan né buch ni más nahuin lóo Jesús. Par ló íz reʼ José, María né xiinyibu ma cabiguetyibu Nazaret. Par layibu Jesús noʼ lad tipnés buñ ni goyee lanii ni láaca casañeʼ. Per órni rasaladxyibu godzu cú, raduidyibu cuent yadi Jesús. ¡Rayopyibu Jesús lad xfamilyibu, ximigyibu per ni toib lagary radzelyibu Jesús! Por ngú rabiguetyibu Jerusalén par guiyopyibu Jesús.

Radudy dzú, radzelyibu Jesús cacadiag né canabdiitz xidal cós a guirá mextra. Né guirá buñ radziguiaʼ xcalnanbu. Per María raiby láabu: Xiingaʼna, ¿xigony bunyloʼ ndeʼ lóodo? Bixioslo né naʼ cayopydo looy portín goloʼlo lóodo ló galrasaʼ.

Jesús racapy: ¿Xigony cayopyto naʼ? ¿Xí diti nanto que tzóya lidx bixiosa la?

Jesús rioladxbu tzóbu lagary ro ganbu más de Dios. Looy, ¿xí nálo láaca non gacno scá la? Órni bibiguetbu lidxbu gudx Nazaret, goyebu lagary ro rony adorarbu Jehová guirá xomal. Por ni bicadiag tzaaybu órni goyebu reunión, por ngú bisuidybu xidal cós ni caa ló la Biblia. Guisuʼno mod buny Jesús.

Lucas 2:41-52; Mateo 13:53-56.