Accesibilidad ajuste

Biloyña diitz ni cayopylo

Goyee menú ni rarop lagary

Goyee ro ná índice xtuny contenidos

Rabiguet

Testigos xtuny Jehová

diitza

Xi libriya ni rasuidy historias xtuny la Biblia

MIDID 6

Dzú gool Jesús hasta dzú goitybu

Dzú gool Jesús hasta dzú goitybu

Ángel ni laa Gabriel goyee ronoʼ toib mbioxhlas tzaay ni laa María. Láabu gochbu María que sioʼ toib xiimbu ni gony mandary por tipzó. Jesús golbu lainy xcorraa nimal, ro tipnés ni rap xiil goyee goyguen láabu. Láaca toib vitzón gosanir nisló tipnés buñguieeu ni bieed niis ro ralainy Govitz par bidxin ronoʼbu. Guisuidyno chú láabu buny par labúu nabiʼyibu vitzón cú, né ximod bilaa Jesús ladxña guirá ni ná nagaity láabu.

Láaca guisuidyno órni Jesús ma nap doce íz, ro cayooybu diitz né tipnés mextra lainy yoʼ xiroʼ ro rac adorar Jehová. Dieciocho íz de goló góc ndeʼ Jesús goyonis, né gosaló gosaabu yoʼ por yoʼ né bisuidybu de Gobierno, par gonybu guirá ni Dios bixel láabu gonybu ló Gudxlio. Par ñoʼ ni ñacné láabu ló dxiinreʼ, golúbu doce buñ par gac xpiimbu.

Jesús láaca bunybu xidal galrradziguiaʼ. Nosi chop tzón beel né chop tzón páa biquiimbu par biyaʼanbu xidalguixo buñ. Bisialbu buñguitz né láaca golísbu gueʼet. Órni mápa mer guidopy Midid reʼ guisuidyno xidal cós ni gosaclobu dzú ni ma yaaca gaitybu, né láaca ximod bigaity buñ láabu. Jesús gosaabu yoʼ por yoʼ por tzón íz gorol, por ngú Midid XHOOP rasaʼni más de 34 íz.

 

LÓ MIDID REʼ

HISTORIA 84

Toib ángel riguen María

Toib ángel raibybu María: «Saplo toib badaʼ né láabu sadxin sony mandarybu por tipzó».

HISTORIA 85

Jesús rál lainy xcorraa nimal

¿Xigony toib mbioxien ni guidxin gony mandary rál lainy xcorraa nimal?

HISTORIA 86

Racanalyibu toib vitzón

¿Chú láabu goyné guirá astrólogos ronoʼ Jesús? Sadziguiaʼlo órni ganlo chú buny láani.

HISTORIA 87

Jesús mbioxhlasien lainy yoʼ xiroʼ

Nidxiyen reʼ nangoluʼ por ngú guirá mextra ni noʼ lainy yoʼ xiroʼ nigolú radziguiaʼ láabu.

HISTORIA 88

Juan ragonis Jesús

Juan ragonis buñ galkié per Jesús diti nac buñ galkié. ¿Xigony golonis Juan láabu?

HISTORIA 89

Jesús rasiá yoʼ xiroʼ

Jesús diti rioladx mod rony buñ lainy yoʼ xiroʼ por ngú radzuitzbu.

HISTORIA 90

Né toib buñgonaʼ roʼ pós

Nís ni rasetlaa Jesús, ¿ximod sacnéni gonaʼ reʼ par ma diti guilaʼnbu nís después?

HISTORIA 91

Jesús rasuidy buñ laidy toib dainy

Discurs ni bituidy Jesús ni rimbuno xomod Sermón del Monte rasuidyni lóono xidal cós ni rasac.

HISTORIA 92

Jesús ralís gueʼet

Jesús golís xiindzap Jairo por xcalnadip Dios né chopsi diitz goniʼbu.

HISTORIA 93

Jesús rayaʼan xidalguixo buñ

¿Xí láani bislooy Jesús órni biyaʼanbu xidalguixo buñ?

HISTORIA 94

Randxiʼbu mbioxien

Jesús gochbu xpiimbu que non guisuʼyibu mbiox de nitisi íz.

HISTORIA 95

Ximod rasuidy Jesús

Órni Jesús bisuidy buñ guirá ór biquiimbu historia, toibtica de láani ngú historia xtuny samaritano.

HISTORIA 96

Jesús rasial buñguitz

¿Xigony buny Jesús xidal galrradziguiaʼ?

HISTORIA 97

Jesús rieed xomod ni rony Mandary

Xidalguixo buñ racacuent láabu per diti guirá buñ rabaladx órni radxinbu.

HISTORIA 98

Ló dainy Olivos

Jesús raibybu a tap de xpiimbu guirá cós ni cayac ló naareʼ.

HISTORIA 99

Lainy cuart ni sob guic yoʼ

¿Xigony ranab Jesús a xpiin que gonyibu lanii reʼ guirá íz?

HISTORIA 100

Jesús lainy lagary sacroyen

¿Xigony biduidy Judas toib bixit a Jesús?

HISTORIA 101

Ragaityibu Jesús

Órni Jesús cayaity cabany ló yac nadop, biduidybu xtiitzbu que sioʼ toib Lagary móz.

PAR GANNLO MÁS

¿Chú láabu ngú Jesucristo?

Bisuidy xigony goity Jesús, né xigony raquiinno ni guilaa lóono, né xí cayony Jesús nigoreʼ.