Rabiguet

Goyee menú ni rarop lagary

Goyee ro ná índice xtuny contenidos

Testigos xtuny Jehová

diitza

Xi libriya ni rasuidy historias xtuny la Biblia

 HISTORIA 82

Mardoqueo né Ester

Mardoqueo né Ester

NIGOREʼ guisuidyno xi góc dzú yása guidxin Esdras Jerusalén. Mardoqueo né Ester nacyibu israelitas ni más buñxirop ni noʼ lainy gobierno xtuny Persia. Ester nacbu tzeʼel buñguieeu ni rony mandary ni laa Asuero né nacbu xprim Mardoqueo ni nac buñxirop ni canal xiitz Asuero. Guisuidyno ximod góc guirá ndeʼ.

Ester goity bixiosbu né xinaʼbu dzú niyeʼensabu, por ngú Mardoqueo bisnís láabu. Asuero napbu toib lagary ro rony mandarybu lainy gudx xirop ni laa Susa, né Mardoqueo nac toibtica xomósbu. Toibtica dzú Vasti, tzeʼel Asuero, diti rasobdiitz láabu, por ngú Asuero rayopy stoib buñgonaʼ par guiaʼan xalagary Vasti par gac tzeelbu. ¿Nanlo chú láabu rabú Asuero la? Scú láani, láabu golúbu gonaʼ móz Ester.

¿Rabilo buñguieeu farmay ni casanadx buñ la? Láabu ngú Hamán, toib buñxirop ni noʼ lainy gudx Persia. Nainy láabu que Mardoqueo, ni rabilo sob ca, láaca guisanadx láabu. Per Mardoqueo diti rony láani, diti rabíbu galán guisanadx buñ toib buñguieeu ni nigolú mal. Hamán nigolú radzuitz. ¡Gannlo xí ronybu nigoreʼ!

Hamán pór galrrascú ranibu de israelitas nisló Asuero, né ranibu: Buñ mal layibu né diti rasobyibu xileylo. Non gaityibu. Asuero diti nann que tzeelbu Ester nac buñ israelita. Por ngú racadiagbu Hamán, né rabébu toib ley ro racaʼbu dzú ni non gaity guirá israelitas.

Órni Mardoqueo racadiag ni ná ley reʼ, rioʼgolubu ló xcalrrasani. Raxelbu diitzreʼ lóo Ester: Goyee nisló ni rony mandary né gonab láabu guilaabu lóono. Ley ni nap Persia ná que pal tzó ni tze nisló buñguieeu ni rony mandary, buñguieeu reʼ nír non guixelcaʼ láabu. Per Ester riée sin que raxelcaʼ Asuero láabu. Órni radxinbu Asuero rascaʼ xiac de or, ndeʼ raduidy diitz que diti non guigaityibu Ester. Ester rony invitarbu Asuero né Hamán toib galrro ni gonybu. Lagarycu Asuero ranabdiitzbu Ester pu labúu gacnébu Ester né Ester racapy que saiby láani láabu pal Hamán guieed né láabu stoib dzú órni gonytzaaybu stoib galrro.

Ló ro cayoyibu, Ester raiby Asuero: Guigaityibu xcudxi né naʼ. Asuero buñguieeu ni rony mandary radzuitz. Né ranabdiitzbu. ¿Chú láabu ma rigaʼlni gony nga?

Ester ná: ¡Buñguieeu ni nac enemig, buñ mal reʼ láabu Hamán!

Nigoreʼ Asuero radzuitz. Rony mandarybu gaity Hamán. Ralox rac guirá ndeʼ Asuero rony a Mardoqueo toib buñxirop ni canal xiitzbu. Mardoqueo ran que guiré stoib ley ni raduidy lagary israelitas tíil par labúu guilaayibu dzú ni raloyni gaityibu. Por ni Mardoqueo ma nac toib buñxirop nigoreʼ, xidal buñ racné a israelitas, né ralaayibu de xi enemigyibu.

Ester, toib libro ni sieed ló Biblia.