Accesibilidad ajuste

Biloyña diitz ni cayopylo

Goyee menú ni rarop lagary

Goyee ro ná índice xtuny contenidos

Rabiguet

Testigos xtuny Jehová

diitza

Xi libriya ni rasuidy historias xtuny la Biblia

 HISTORIA 80

Israel careʼ Babilonia

Israel careʼ Babilonia

MA YAACA guiaʼ chop íz de goló medos né persas goyoʼ né cuaʼyibu gudx Babilonia. ¡Bibiʼ xí ni cayac nigoreʼ! Scú láani, israelitas careʼyibu gudx Babilonia. ¿Ximod góc par labúu nareʼyibu? ¿Chú biduidy lagary layibu?

Ni biduidy lagary layibu ngú Ciro, ni buny mandary Persia. Xidzú íz dzú ni yása gál Ciro Jehová gochbu Isaías, buñguieeu ni raquiimbu par guiniʼ xí gac dzú ni sietra, nacaʼbu de Ciro: Gonylo ni nainy naʼ gonylo. Puert xobialsaa siaʼanni par labúu guioʼlo né guicálo gudxcú. Né scú gocni Ciro gosanir par bioʼyibu né cuaʼyibu Babilonia. Medos né persas bioʼyibu gueʼel lainy gudx Babilonia niis ro puert ni bian xobialsaa.

Per Isaías láaca goníbu que Ciro sony mandary que Jerusalén né yoʼ xiroʼ ni goyoʼ lainy gudxcú guisaʼyibu láani stoib. ¿Buny Ciro ni goní Jehová la? Bunybu láani. Ndeʼ ni gochbu israelitas: Coltzé Jerusalén, né colguisaʼ yoʼ xiroʼ ro gony adorarto Jehová. Né ndeʼ ni sée saguny israelitas.

Per diti guirá israelitas ni noʼ lainy gudx Babilonia labúu riée Jerusalén portín nigolú sit riaʼanni. Nigolú xiroʼ rasaa buñ par guidxin Jerusalén, 800 kilómetros sitni, né xidal israelitas ma nigolú buñgol né ma diti nasacyibu. Né láaca noʼ stipnés razón por ni diti rieyibu. Per buñ ni diti riée gudx Jerusalén, Ciro raiby layibu: Colguiduidy plata, or né stipnés cós a guirá buñ ni guibiguet guisaʼ gudx Jerusalén né guisaʼ yoʼ xiroʼ ro buny adorarto Jehová.

Por ngú, israelitas ni rabiguet gudx Jerusalén racáyibu xidal cós. Ciro láaca raduidy layibu tazones né copas ni Nabucodonosor goleʼ lainy yoʼ xiroʼ ro rac adorar Jehová órni binitlóbu Jerusalén. Xidal cós riné israelitas Jerusalén.

Tap beʼo de goló bireʼyibu Babilonia radxiinyibu Jerusalén, dzú non guidxinyibu. Nontís bisaʼ 70 íz de goló binitló gudx Jerusalén dzú ni toib buñ bian lagarycu. Ná israelitas ma bibiguet xcudx stoib, sadudyibu ló galnagan, xomod guisuidyno.

Isaías 44:28; 45:1-4; Esdras 1:1-11.